Hamro Bulletin

अछाम – जिल्लामा थप दुई जना शनिबार कोरोना जितेर घर फर्किएका छन् । चौरपाटी गाउँपालिका वडा नम्बर २ सोकटका ३२ वर्षीय युवक र मेल्लेख गाउँपालिका वडा नम्बर ४ कुष्कोटका २७ वर्षीया महिलाले कोरोना जितेका हुन्।

उनीहरु दुबैको लगातार रिपोर्ट नेगेटिभ आएपछि घर पठाएको जिल्ला स्वास्थ्य कार्यालय अछामका सूचना अधिकारी देव जोशीले जानकारी दिए। अछाममा कोरोना जितेर घर फर्किनेको सख्या ११ पुगेको छ ।

जिल्लामा अहिले सम्म कोरोना संक्रमितको सख्या ५७ रहेको छ भने तीमध्ये ४४ जनाको जिल्ला अस्पतालसँगै अन्य पालिकाको आईसोलेसनमा उपचार भईरहेको छ ।

३ जनाको जिल्ला वाहिर उपचार भरहेको भने मेल्लेख गाउँपालिका वडा नं.४ कुष्कोटका गर्भवतिलाई शनिबार नै जिल्ला अस्पतालको आईसोलेशनमा भर्ना गरिएको छ ।

अछाममा हाल सम्म १ हजार ७ सय ५६ जनाको स्वाँव संकलन गरिएकोमा ७ सय ५४ जनाको रिपोर्ट आएको छ भने ५७ जना पोजेटिभ देखिएका छन् । अझै १ हजार २ जनाको रिर्पाट आउन बाँकी रहेको सूचना अधिकारी जोशीले बताए ।

यस्तै ७ हजार ८ जनाको आरडिटिबाट परिक्षण गरिएकोमा ५ सय ४३ जनाको रिर्पोट पोजेटिभ आएको उनको भनाई रहेको छ । जिल्लामा करिब ३ हजार आरडिटि किट मौज्दात रहेको छ । जिल्लामा शनिबारसम्म ५ हजार ७ सय ३० जनालाई क्वारेन्टाईनमा राखेको छ।