Hamro Bulletin

साँफेबगर नगरपालिकास्थित दुईवटा वडामा सञ्‍चालित साक्षरता कक्षाका सहभागीलाई खाद्यान्‍न र सरसफाई सामग्री वितरण गरिएको छ। वडा नम्बर ३ को सिद्धेश्वर र वडा नम्बर ९ को बुढाकोटमा ती सामाग्री वितरण गरिएको हो। त्यहाँ वाक नेपाल र यूनेस्कोको साझेदारीमा वृहत् यौनिकता शिक्षा तथा सुरक्षित सिकाई वातावरणको प्रवर्द्धनका लागि साक्षरता कक्षा चलाइएको हो।

किशोरी तथा यूवा महिला सशक्तिकरण कार्यक्रम अन्तरगत कार्यमूलक साक्षरता कक्षामा सहभागी ४२ जना किशोरी तथा बयस्क महिलाहरुलाई खाद्यान्न र सरसफाई सामाग्री वितरण गरिएको हो। कार्यक्रमबारे जानकारी दिँदै वाक नेपालका कार्यक्रम ब्यवस्थापक चेतराज जोशीले कोभिड-१९ का कारण किशोरी तथा बयस्क महिलाबीच उत्पन्न खाद्य संकट तथा सरफाई जोखिम न्यूनीकरण गर्ने उद्धेश्यले कार्यमूलक साक्षरता कक्षा चलाइएको बताए। उनले साक्षरता कक्षामा सहभागीका लागि वाक नेपाल र यूनेस्कोको सहकार्यमा राहात सहयोग कार्यक्रम चलाइएको जानकारी दिए। उनका अनुसार जनही ३० किलो चामल, ३ किलो दाल, २ प्याकेट नुन, २ किलो चिनी, २ लिटर तेल, डिटोल साबुन ६ वटा, सर्जिकल मास्क २५ वटा, स्यानेटरी प्याड २० वटा वितरण गरिएको हो। उनले साँफेबगर नगरपालिका, चौरपाटी गाउँपालिका र मंगलसेन नगरपालिकामा त्यही परियोजना अन्तर्गत ४ सय १२ जनालाई ती सामाग्री वितरण तयारी भइरहेको बताए।

वाक नेपालका उपाध्यक्ष बल बहादुर केसीको अध्यक्षतामा दुवै ठाउँमा कार्यक्रम भएको हो। सिद्धेश्वरमा प्रमुख अथिति साफेबगर नगरपालिका-का अध्यक्ष थिए। बुढाकोटमा भएको कार्यक्रममा प्रमूख अथिति नेकपा सुदुरपश्चिम प्रदेश कमिटी सदस्य हिक्मत कुँवर, अथिति साफेबगर नगरपालिका-९ का वडा अध्यक्ष ध्रुबबहादुर थापा, वडा सदस्य दीपक कुवँर, समाजसेवी सुरेश कुँवर, अर्जुन कुँवर, वाक नेपालका लेखा प्रमूख ईश्वर उपाध्याय थिए। कार्यक्रमको सञ्चालन वाक नेपालका ब्यवस्थापक चेतराज जोशीले गरेका थिए।