ताजा अपडेट
गोदावरी नगरपालीका वडा नम्बर ३ मा फलामे तथा काठे पुलको उद्घाटन, पुलले ढकौवा, मुक्तीनगर र कञ्चनपुरको कृष्णपुर-५ पबित्र बस्ती जोड्ने छ ।
कैलालीको मोहना नदी स्थित ढकौवामा निर्माण गरिएको फलामे तथा काठे पुलको आज उद्घाटन गरिएको छ । गोदावरी नगरपालीका वडा नम्बर ३ को ढकौवामा निर्माण गरिएको पुलको एक कार्यक्रमका विच वडा नम्बर ३ का वडाध्यक्ष मोहन बहादुर खत्रीले उद्घाटन गरेका हुन् । उक्त पुलले ढकौवा, मुक्तीनगर र कञ्चनपुरको कृष्णपुर नगरपालीका वडा नं. ५ पबित्र बस्ती जोड्ने छ ।
२०.५ मिटर लम्बाई भएको पुल करिब ३ लाख १५ हजार लागतमा निर्माण सम्पन्न भएको पुल निर्माण समितीका अध्यक्ष इन्द्र बहादुर बोहराले बताए । पुल निर्माणका लागी जनस्तरबाटै रकम संकलन गरिएको र अपुग रकम वडा कार्यालयले सहयोग गरेको हो । गोदावरी नगरपालिका वडा नं. ३ र १० का युवा क्लब, स्थानिय समाज सेबी बुद्धीजिबीहरुको पहलमा उक्त पुल निर्माण गरिएको हो । पुलबाट साईकल, मोटरसाईकल र अटो सम्मका सवारीसाधनहरु लैजान मिल्ने अध्यक्ष बोहराले बताए । पुल निर्माण समितीका अध्यक्ष इन्द्र बहादुर बोहराको सभापतित्वमा भएको पुल उद्घाटन कार्यक्रममा गोदावरी नगरपालीका वडा नम्बर ३ का वडाध्यक्ष मोहन बहादुर खत्री प्रमुख अतिथी रहेका थिए ।
बिशिष्ठ अतिथीमा वडा नं. ३ का वडा सदस्य रामपती चौधरी वडा नम्बर १० का वडा सदस्य शेर बहादुर तामाङ रहेका थिए भने अतिथीमा समाजसेवी, बुद्धीजिबी उद्योगी, ब्यापारी, संघ संस्थाका प्रनिनिधी लगायतको सहभागिता रहेको थियो । कार्यक्रमका संयोजक खडक बोहराको स्वागत मन्तव्य रहेको कार्यक्रममा बहुमूखी कला मन्दिर युवा क्लबका अध्यक्ष राम बहादुर बोगटीले सञ्चालन गरेका थिए । बर्षातको समयमा नदी पारगर्दा समस्या भोग्दै आएका स्थानियहरु अहिले नदीमा फलामे तथा काठे पुल निर्माण भएपछी आवत जावत गर्न सहज हुने भन्दै हर्षित भएका छन् । पुलको अभावमा समस्या झेल्नु परेको थियो अहिले नदीमा फलामे तथा काठे पुल निर्माण संगै सहज हुने स्थानिय बहुमूखी कला मन्दिर युवा क्लबका अध्यक्ष राम बहादुर बोगटीले बताए । “दैनिक हजारौ मानिस तथा सवारी साधनहरु आवत जावत हुने गर्दछन्” उनले भने “बिगतका बर्षहरुमा युवा क्लब तथा स्थानियहरुको सहयोगमा मोटरसाईकल जान सक्ने सानो काठे पुल निर्माण गरेका थियौ, तर २/३ महिना रहे पनी बर्षात मा बगाउने र समस्या उस्तै रहन्थ्योे ।” पुलको अभावमा बैकल्पिक बाटा अपनाउदा समय धेरै लाग्ने र बिभिन्न समस्या झेल्नु परेको उनले बताए । अब भने फलामे तथा काठे पुलको निर्माण संगै ति समस्याहरु केही हद सम्म समाधान हुने बोगटीले बताए ।
सबै स्थानियहरुले आ–आफ्नो क्षेत्रबाट गरेको सहयोगले पुल निर्माण भएको बताईएको छ । समाजिक कार्यमा समाजका सबै मानिसहरु एक जुट भए सामाजका अन्य कार्यपनि सजिलै गर्न सकिने छन् । तर चुनावको बेला बिभिन्न ठाउमा जनताहरुलाई आवश्यक पर्ने पुलका लागी मुख्य एजेन्डा बनाएका नेताहरुले अझै पनि कुनै पहल नगरेको स्थानियहरुको गुनासो छ ।
सम्बन्धित समाचार
ताजा अपडेट
-
काठमाडौंमा रहेका अछामका युवाद्वारा ‘बोल्छ अछाम’ साझा अभियान घोषणा
-
अबको यात्रा महामन्त्रीः संगठनको भुइँदेखि केन्द्रीय शक्ति संरचनासम्म नैन सिंह महर
-
साँफेबगर नगरपालिकाको बाब्लामा केन्द्रीय लाइन विद्युत सेवा सुरु
-
राजनीतिक आँधीमा नेपाल : संकट, सम्भावना र चुनौती
-
लुटिएका ३३ लाख ७० हजार नगदसहित हतियारहरू पनि बरामद
प्रतिक्रिया