ताजा अपडेट
नेकपा विवादः मंगलबार यस्तो रह्यो चिनियाँ राजदूतदेखि राष्ट्रपतिसम्मको सक्रियता
तिहारको भोलिपल्ट अर्थात् मंगलबार । अघिल्ला वर्षहरुमा नेताहरुको निवासमा देउसी भैलो चलिरहेको हुन्थ्यो । यसपटक भने नेकपा विवाद र कोरोना संकटले नेताहरुको निवासको गतिविधि नितान्त फरक रह्यो ।
बुधबारका लागि बोलाइएको सत्तारुढ नेकपाको सचिवालय बैठकको अघिल्लो दिन । हिजो राजधानीमा सबै शक्ति केन्द्रहरुको दौडधुप चर्कै रह्यो । नेकपाका अध्यक्षद्वय केपी शर्मा र प्रचण्ड हुँदै चिनियाँ राजदूतदेखि राष्ट्रपति विद्या भण्डारीसम्म दौडधूप र भेटघाटमा व्यस्त रहे ।
प्राप्त जानकारीअनुसार मंगलबार भएका प्रमुख भेटवार्ताहरु यसप्रकार छन्-
-प्रचण्ड निवासमा मंगलबार बिहान ।
भेटघाटमा सहभागीहरु- प्रचण्ड र विष्णु पौडेल ।
-प्रधानमन्त्रीको निवास बालुवाटारमा बिहान ११ बजेदेखि अपरान्ह ४ः२० सम्म ।
सहभागी नेताहरु- केपी शर्मा ओली, सुवास नेम्वाङ, ईश्वर पोखरेल, पृथ्वीसुब्बा गुरुङ, भानुभक्त ढकाल, शेरधन राईलगायत ।
-बुद्धनगरस्थित अस्मिता अजेय कुटी निवासमा ११ः१० देखि १२ः२० सम्म ।
सहभागीहरु- अजय सुमार्गी र प्रचण्ड ।
– नेपाल निवास कोटेश्वरमा ११ः५० देखि १३ः४५ सम्म ।
सहभागी नेताहरु- माधव नेपाल र पम्फा भुसाल ।
-भैंसेपाटीस्थित गौतम निवासमा १ः५५ बजेदेखि २ः३० सम्म ।
भेटघाटमा सहभागीहरु- वामदेव गौतम र घनश्याम भुसाल ।
-नेपाल निवास कोटेश्वरमा २ः२० देखि ३ः३० सम्म ।
सहभागी नेताहरु- माधव नेपाल र अष्टलक्ष्मी शाक्य ।
-प्रचण्ड निवास खुमलटारमा १५ः४० देखि १६ः५५ सम्म ।
सहभागी नेताहरु- प्रचण्ड, माधव नेपाल र वामदेव गौतम ।
-मंगलबार दिउँसो ।
भेटघाटमा सहभागी नेताहरु- विष्णु पौडेल र घनश्याम भुसाल ।
-गौतम निवास भैंसेपाटीमा ५ः१० देखि ५ः३५ सम्म ।
सहभागी नेताहरु- वामदेव गौतम र विष्णु पौडेल ।
-बालुवाटारमा राति ८ः१० मिनेटपछि झण्डै २ घण्टासम्म ।
भेटघाटमा सहभागीहरु- प्रधानमन्त्री ओली र चिनियाँ राजदूत हौ यान्छी ।
-सभामुख निवास ५ः२८ देखि ५ः५५ सम्म ।
सहभागीहरु- सभामुख अग्नि सापकोटा र प्रचण्ड ।
-राष्ट्रपति निवास शितलनिवासमा ६ः०० बजेदेखि ७ः३५ सम्म ।
भेटघाटमा सहभागीहरु- राष्ट्रपति विद्यादेवी भण्डारी र प्रचण्ड ।
-नेपाल निवास कोटेश्वरमा ६ः०० देखि ७ः२५ बजेसम्म ।
भेटघाटमा सहभागीहरु- माधव नेपाल, योगेश भट्टराई, घनश्याम भुसा ।
-मंगलबार राति शितलनिवासमा ।
प्रधानमन्त्री ओली चिनियाँ राजदूतलाई भेटेपछि राष्ट्रपति भेट्न शितलनिवास प्रस्थान ।
प्रतिक्रिया