बिरामी कुरुवाको नगद ३५ हजारसहित ३ मोबाइल चोरी सेती प्रादेशिकअस्पतालमा

हाम्रो बुलेटिन शुक्रबार ०५, मङि्सर २०७७ ११:०९

बिरामी कुरुवाको नगद ३५ हजारसहित ३ मोबाइल चोरी सेती प्रादेशिकअस्पतालमा

सेती प्रादेशिक अस्पतालबाट कुरुवाको नगद ३५ हजार नगदसहित ३ वटा मोबाइल चोरी भएको छ ।

प्रादेशिक अस्पतालको एनआइसीयु वार्डबाट धनगढी उपमहानगरपालिका वडा नम्बर २ सन्तोषी टोल बस्ने झरना बमको नगद ३५ हजारसहित ३ वटा मोबाइल, मोटरसाइकलको ब्लुबुक, लाइसेन्सलगायतका सामान चोरी भएको हो ।

मंसिर ३ गते राती छोरीको उपचारका लागि एनआइसियु वार्डमा रहेका बेला आफ्नो २ र दिदीको १ मोबाइल, नगद र पर्स चोरी भएको बमले बताइन् ।

उनले सामान चोरी भएको विषयमा अस्पताल प्रशासन र प्रहरीलाई सोही दिन जानकारी गराइसकेको भएपनि अहिले सम्म कुनै पत्ता नलागेको बताउँदै जिल्ला प्रहरी कार्यालयमा खोजीका लागि निवेदन दर्ता गरिएको जनाइन् ।

जिल्ला प्रहरी कार्यालयले पीडितले दिएको निवेदनका आधारमा चोरी भएका नगद र अन्य सामानको खोजी भइरहेको जनाएको छ ।