Hamro Bulletin

कमल रावल मंसिर ५ अछाम

जेसिज बर्ष २०२० का निरुपित राष्ट्रिय कार्यकारिणी उपाध्यक्ष तथा बर्ष २०२१ का राष्ट्रिय अध्यक्ष पदका उम्मेद्धार शोभा खरेलले सक्षमता सहितको महिला नेतृत्व आवश्यकता रहेको बताउनु भएको छ । महिलाको सक्षमता नेतृत्वमा स्थापित गराउनका लागी आफुले बर्ष २०२१ को राष्ट्रिय अध्यक्षको उम्मेद्धारी घोषणा गरेको बताउनु भएको छ । झण्डै ५४/५५ बर्षको अवधिमा महिलाले नेतृत्व नलिएकाले यसबर्ष आफुले आवश्यकता सहीत आफुलाई परिपक्क बनाएर राष्ट्रिय अध्यक्षको लागी उम्मेद्धारी घोषणा गरेको बताउनु भयो ।

अबको १ महिना पछी हुन लागेको राष्ट्रिय अधिबेशनका लागी जेसिज अछामसँग भेटघाटमा मंगलसेन पुग्नु भएका खरेलले जेसिजमा थुप्रै क्षेत्रबाट युवा समाज परिवर्तनका लागी परिपक्क भएर आएकाले आफुपनी एक परिपक्क उम्मेद्धार भएकाले सबैको साथको आवश्यकता रहेको बताउनु भयो । अछाम जेसिज बर्ष २०२० का अध्यक्ष तुलाराम बिसिको अध्यक्षतामा भएको कार्यक्रममा बोल्दै खरेलले जेसिज शाखालाई शसक्त बनाउनका लागी सामाजिक अभियानलाई जहिले पनी प्राथमिकता राख्नु पर्ने बताउनु भयो । हरेक स्थानिय तहमा युवाहरु भएकाले उनिहरुलाई जोड्दै स्थानिय सरकारसँग हातमालो गर्दै अघि बढनु पर्नेमा जोड दिनु भयो ।

कार्यक्रमका अध्यक्ष अछाम जेसिज बर्ष २०२० का अध्यक्ष तुलाराम बिसिले हरेक सामाजिक अभियानमा अछाम जेसिजले सहयोग गर्दै आईरहेको बताउनु भयो । बर्ष २०२० मा गरेका हरेक गतिविधीको सबैले मुल्याकन गर्नु पर्नेमा जोड् दिनु भयो । कार्यक्रममा बर्ष २०१९ का अध्यक्ष नरेश कुमार शाहीले थुप्रै चुनौतीका बिचमा पनी अछाम जेसिज स्थापित हुन सफल भएकाले सबै युवालाई जेसिजमा जोडीन आग्रह गर्नु भएको थियो । कार्यक्रममा अछाम जेसिज २०१५ का अध्यक्ष नमराज न्यौपाने, हेटौडा लेडि जेसिजका पुर्व अध्यक्ष अस्मिता श्रेष्ठ, जेसि जानुका सापकोटा, किरण रेग्मी लगाएत जेसिज अछामका शाखा सम्पुर्ण पदाधिकारीको सहभागिता रहेको थियो । जेसिज अछामका उपाध्यक्ष टेक बहादुर थापाको स्वागत मन्तव्यबाट सुरु भएको कार्यक्रमको संञ्चालन सचिव टेकराज भण्डारीले गर्नु भएको थियो ।