ताजा अपडेट
कांग्रेस सरकारमा नजाने, ओलीको प्रस्ताव अस्विकार
प्रमुख प्रतिपक्षी दल नेपाली कांग्रेसले नेकपा अध्यक्ष केपी शर्मा ओली नेतृत्वको वर्तमान सरकारमा सहभागी नहुने स्पष्ट पारेको छ ।
शनिबार बालुवाटारस्थित प्रधानमन्त्रीको सरकारी निवासमा भएको भेटमा प्रधानमन्त्री ओलीले कांग्रेस सभापति शेरबहादुर देउवालाई सरकारमा सहभागी हुन प्रस्ताव गरेको चर्चाकाबीच कांग्रेसले आफू पाँच वर्ष प्रतिपक्षी दलको रुपमा रहने स्पष्ट पारेको हो ।
काग्रेस प्रवक्ता विश्वप्रकाश शर्माले जनादेशअनुसार कांग्रेस पाँच वर्ष प्रतिपक्षी दलमा बस्ने स्पष्ट पारेका हुन् । आइतबार ट्वीट गर्दै उनले सत्तारुढ नेकपाको विवादप्रति कांग्रेस निरपेक्ष रहेको भन्दै सरकारमा नजाने स्पष्ट पारेका हुन् ।
नेकपा भित्रको जोड घटाउमा कांग्रेसको शीर नगन्न चेतावनी दिँदै उनले भनेका छन्, ‘ यता या उताको जोड घटाउमा कांग्रेसको शीर गन्ने धृष्टता कोहिबाट नहोस्, सजग गराउँदछौं ।’
यसबारे प्रवक्ता शर्माले गरेको ट्वीट :
भ्रम : कोहि कसैलाई केही छ भने !
५ बर्ष विपक्षमा बस्ने प्रष्ट जनादेश छ कांग्रेसलाई ।
अत कुनैपनि भड्कावबाट टाढा छौं,रहनेछौं ।
नेकपाको द्वन्द्वसंग विलकुल निरपेक्ष छौं । अत यता या उताको जोड घटाउमा कांग्रेसको शिर गन्ने धृष्टता कोहिबाट नहोस्, सजग गराउंदछौं । जय नेपाल !
भ्रम ; कोहि कसैलाई केही छ भने !
— Bishwa Prakash शर्मा (@bishwaprakash77) November 22, 2020
५ बर्ष विपक्षमा बस्ने प्रष्ट जनादेश छ कांग्रेसलाई l
अत कुनैपनि भड्कावबाट टाढा छौं,रहनेछौं l
नेकपाको द्वन्द्वसंग विलकुल निरपेक्ष छौं l अत यता या उताको जोड घटाउमा कांग्रेसको शिर गन्ने धृष्टता कोहिबाट नहोस्, सजग गराउंदछौं l जय नेपाल ! pic.twitter.com/g4GBq1hRdn
प्रतिक्रिया