Hamro Bulletin

आन्तरिक राजस्व विभागले गएको आर्थिक वर्षमा सबैभन्दा धेरै कर तिर्ने १५ व्यक्ति तथा संस्थाको नाम सार्वजनिक गरेको छ । हरेक वर्ष कर दिवसको अवसरमा उत्कृष्ट १५ करदातालाई सम्मान गर्दै आएको विभागले यो वर्ष पनि विभिन्न विधाका उत्कृष्ट करदाताको नाम सार्वजनिक गरेको हो ।

विभागका अनुसार व्यक्तिगत रूपमा सबैभन्दा धेरै आयकर तिर्ने विजयबहादुर शाह सम्मानित हुनुहुने भएको छ । शाहका जावलाखेल डिस्टिलरी, हिमालयन डिस्टिलरी, राज ब्रुअरी, एसियन र विजय डिस्टिलरी कम्पनी रहेका छन् ।

यस्तै सबैभन्दा धेरै पाँच अर्ब ३१ करोड आयकर तिरेको सूर्य नेपाल पनि सम्मानित हुने भएको छ । रेमिट्यान्सतर्फ आईएमई, व्यापार व्यवसायतर्फ अग्नि इन्कर्पोरेटेड र निर्याततर्फ डाबर नेपाल पनि सम्मानित हुने भएका छन् ।

यस्तै जलविद्युतमा हिमाल पावर कम्पनी, कृषि तथा पशुपंक्षी उद्योगमा अन्नपूर्ण एग्रोभेट, सहकारीतर्फ छिमेकी लघुवित्त, बैंकतर्फ नबिल बैंक, बीमातर्फ नेपाल पुनर्बीमा कम्पनी, शिक्षण सेवातर्फ मणिपाल मेडिकल कजेल, पर्यटन व्यवसायतर्फ तारागाउँ रिजेन्सी सम्मानित हुने भएका छन् ।

यस्तै मध्यमस्तरीय करदातातर्फ कामना सेवा बैंक लिमिटेड, भ्याटतर्फ घोराही सिमेन्ट र भीएस सर्भिसेस प्रालि पनि उत्कृष्ट १५ करदातामा पर्दै सम्मानित हुने भएका छन् । उत्कृष्ट १५ करदातालाई कोरोना महामारी कम भए पछि सम्मान गरिने आन्तरिक राजस्व विभागले जनाएको छ ।

व्यक्तिगत आयकरतर्फ :-  विजयकुमार शाह
बैंकिङ क्षेत्रतर्फ :- नबिल बैंक
कम्पनीको क्षेत्रतर्फबाट :-  सूर्य नेपाल प्रा लि 
विप्रेषणतर्फ :- आईएमई रेमिट्यान्स कम्पनी
व्यापार व्यवसायतर्फ :- अग्नि इन्कर्पोरेटेड कम्पनी
निर्यात व्यवसायतर्फ :- बहुराष्ट्रिय कम्पनी डाबर नेपाल
विशेष उद्योगतर्फ :- हिमाल पावर कम्पनी
कृषि तथा पशुपक्षी उद्योगतर्फ :- अन्नपूर्ण एग्रोभेट प्रालि
सहकारीतर्फ :- छिमेक लघुवित्त वित्तीय संस्था लिमिटेड
बिमा व्यवसायतर्फ :- नेपाल पुनर्बिमा कम्पनी
शिक्षण सेवातर्फ :- मणिपाल एजुकेसन एन्ड मेडिकल ग्रुप नेपाल प्रालि
पर्यटन व्यवसायतर्फ :-  तारागाउँ रिजेन्सी होटल्स लिमिटेड
मध्यमस्तरीय करदातातर्फ :- कामना सेवा बैंक लिमिटेड
मूल्य अभिवृद्धि कर (भ्याट)तर्फ :-  घोराही सिमेन्ट
आराकाहरुको कार्यक्षेत्र तर्फबाट :- भीएफ सर्भिसेस (मोरिसस) प्रालि