ताजा अपडेट
अछाममा बस दुर्घटना एक जनाको मृत्यु, १७ जना घाइते
मंगलसेनबाट धनगढीतर्फ गइरहेको बस मार्कुमा दुर्घटनामा एक जनाको मृत्यु भएको छ भने अन्य १७ जना घाइते भएका छ्न् । जिल्ला प्रशासन कार्यालय अछामका अनुसार ना. ४ ख ९९७२ नं.को यात्रुबाहक बस सोमबार बिहान दुर्घटना भएको हो ।
स्थानीयका अनुसार साँफेबगर नगरपालिका -३ का १९ बर्षिय निरज कुँवरको ज्यान गएको हो । चालकसहित १८ जना सवार रहेको उक्त बस सडकबाट करिब ६० मिटरजति तल झरेको प्रारम्भिक जानकारी रहेको जिल्ला प्रशासन कार्यालयले जनाएको छ । अहिलेसम्म ७ जनालाई थप उपचारको लागि बयालपाटा अस्पतालमा ल्याइएको छ
प्रतिक्रिया