Hamro Bulletin

हाम्रो बुलेटिन  साउन २६ ,अछाम
लगातारको अविरल बर्षाले बूढीगंगा नदिको अवस्था अवलोकन गर्न सरोकारवालाको टोली बाजुराको सिमानासम्म पुगेको छ । बाजुराको ताप्रीसेरा-अम्कोट - द्वारी क्षेत्रमा यसअघि नै पहिरो गएर बूढिगंगा नदिमा मिसिएपछी अछाममा पनि बाढीको जोखिम बढेको हो ।
अछामको साँफेबगरलगायतका दर्जनौं बस्ती बाढीको उच्च जोखिममा भएको भन्दै सोमबार सरोकारवालाको टोलीले निरिक्षण गरेको हो । निरिक्षणमै रहेको टोलि साँफे-मार्तडी सडक खण्ड अन्तरगत अछाम -बाजुरा सिमामा पहिरोमा अड्किएको हो । सडक खुल्न अझै समय लाग्ने टोलीले बताएको छ ।

अछामका प्रमुख जिल्ला अधिकारी पुण्यविक्रम पौडेलको र साँफेबगर नगरपालिकाका प्रमुख कुलबहादुर कुँवर , नगर उपप्रमुख बिर्मला बुड्थापा, अछाम प्रहरी प्रमुख योगेन्द्र सिंह थापा , ईलाका प्रहरी कार्यालय साँफेबगर प्रमुख नरपति भट्ट ,पत्रकार महासंघ अछाम अध्यक्ष खम्म खत्री ,उपाध्यक्ष गिता कुँवर फोटो पत्रकार महासंघ अछाम अध्यक्ष धिरज कुँवर लगायतको टोलीले सो क्षेत्रको अनुगमन गरेको हो ।
टोलीले बूढीगंगा साँफेबगर नगरपालिका- ४ मष्टामाण्डौ, बुढाबगरलगायतका तटीय क्षेत्र अनुगमन तथा निरीक्षण गर्दै अछाम बाजुरा सिमानामा पुगेका थियो ।