ताजा अपडेट
गिताको घर निर्माणका लागी तरुण दलका क्षेत्रिय सभापति कडायतले गरे १५ हजार बढिको सहयोग
आफ्नो घर भत्काउन दिएर आगोबाट बजार बचाएकि गिता
साँफेबगर नगरपालिका ८ बयालपाटा निवासी तथा नेपाल तरुण दल अछाम क्षेत्र नं. १ का सभापति जनक कडायतले साँफेबगर हाटबजारको आगलागी रोक्न आफ्नै घरमा डोजर चलाउन अनुमति दिने गिता कठायत कुँवरको घर निर्माणका लागि १५ हजार १ सय १५ रुपैयाँ सहयोग गरेका छन् । आज आफ्नो जन्मदिनको अवसरमा सभापति कडायतले पिडित लाई राहत स्वरुप सहयोग गरेको बताए ।
साँफेबगर नगरपालिका वडा नं. ३ मा यहि बैशाख १३ गते बिहान ३ः२० बजे भएको बिनाशकारी आगलागि हुँदा १० पसल पुर्ण रुपमा नष्ट भएका थिए । सोहि आगलागि लामो समयसम्म नियन्त्रण नहुँदा स्थानिय बासि गिता कुँवरले आफनो पक्की घर भतकाउन अनुमति दिँदा थप आगो फैलिन नपाएर नियन्त्रणमा आएको थियो । तिनै गिता कुँवरको घर निर्माणका लागि चलाईएको सहयोग अभियानमा सभापति कडायतले १५ हजार १ सय १५ रुपैयाँ सहयोग गरेका हुन् । एकल महिला भएर पनि बजारमा आगो फैलिन नदिन आफ्नो घरमा डोजर चलाउन लगाउने साहसी महिलालाई आफुले मात्र नभएर सबैले सहयोग गर्नु पर्ने सभापती कडाएतले बताए ।
साँफेबगर नगरपालिका ३ हाटबजारमा आगलागी हुँदा ३ करोड भन्दा बढीको क्षति भएको छ । १० पसल जलेका छन् । जिल्ला प्रहरी कार्यालको प्रारम्भिक तथाक अनुसार आगलागीबाट ३ करोड ८६ लाख ६५ हजारको क्षति भएको छ ।
शनिवार विहान भएको आगलागीबाट गंग कुँवरको कालभैरव एण्ड सन्स जनरल स्टोर, प्रेम खड्काको शुभेच्छा ममः सेन्टर, भिमकुँवरको रोड साईड रेष्टुरेन्ट, दिपक सुनारको कालभैरव सुनचाँदि पसल, ज्ञानेन्द्र कुँवरको डाग ग्यालरी, टीका कुँवरको टीका फेन्सीएण्ड व्युटी पार्लर, सुरेस कुँवरको शितल नास्ता पसल, किशोर भाटको मदिरा पसल, मक्र कुँवरको रिभर साईड नास्ता पसल, सुमनकुँवरको राज्यश्वरी कृषि तथा पशुपछि फर्म जलेका थिए ।
प्रतिक्रिया