ताजा अपडेट
चिकित्सा क्षेत्र सुधारका अभियन्ता डाक्टर केसी स्वास्थ्यकर्मी संग हार्डजोर्नीको अनुभव आदानप्रदान गर्दै
पवित्रा खड्का, अछाम ।
चिकित्सा क्षेत्र सुधारका अभियन्ता डाक्टर गोबिन्द केसीले बयालपाटा अस्पतालमा हार्डजोर्नीका बिषयमा आफ्नो अनुभव आदानप्रदान गरेका छन् । अस्पतालमा कार्यरत स्वास्थ्यकर्मीका लागि हार्डजोर्नीका बिषयमा आईतबार जानकारी दिएका हुन् ।
पछिल्लो समय सुदूरपश्चिमका बिभिन्न पहाडी जिल्लामा पुगेर सेवा दिईरहेका डा. केसी बाजुरा पछि अछाम आईपुगेका हुन् । शुक्रबार साँझ अछाम पुगेका डाक्टर केसी २ दिन बयालपाटा अस्पतालमा बसेर सेवामा सघाउनुका साथै आफ्नो अनुभव स्वास्थ्यकर्मीलाई जानकारी दिईरहेका छन् ।
अस्पतालमा रहँदा डाक्टर केसीको अनुभब र हार्डजोर्नी सम्बन्धी केही सिकाईमा उपलब्धी भएको अस्पतालका हार्डजोर्नी बिशेषज्ञ डाक्टर मन्दीप पाठकले बताए । दुर्गममा हार्डजोर्नी (ट्रमा) को सेवालाई कसरी सहज र गुणस्तरिय बनाउन सकिन्छ भन्ने बिषयमा पनि डाक्टर केसी संग महत्वपुर्ण सल्लाह भएको डा. पाठकको भनाई छ ।
प्राथमिक उपचार देखी पारामेडिकले ट्रमा केयरमा के कसरी सहयोग गर्न सकिन्छ भन्ने बिषयमा पनि ज्ञान प्राप्त भएको अस्पतालका एचए महेन्द्र बयकले बताए ।
अछाम पछि डाक्टर केसी कालिकोट जाने कार्यक्रम रहेको बताईएको छ । निशुल्क स्वास्थ्य सेवा दिनका लागि डा. गोबिन्द केसी सुदूरपश्चिम पुगेका थिए ।
डा. केसी संग यसअघि शनिबार साँफेबगर नगरपालिकाका प्रमुख कुल बहादुर कुवँर र अछाम उद्योग बाणिज्य संघका अध्यक्ष महेद्र कडायतको नेतृत्वको टोलीले पनि भेटघाट गरेको थियो ।
सम्बन्धित समाचार
ताजा अपडेट
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
साँफेबगर नगरपालिकाद्वारा उत्कृष्ट विद्यार्थीलाई शैक्षिक सामग्री तथा प्रोत्साहन वितरण
-
सुदूरपश्चिम प्रदेश निर्माण व्यवसायी महासंघको अध्यक्षमा लक्ष्मण स्वाँर निर्वाचित (नतिजा सहित)
-
मुख्यमन्त्रीले अर्थ राख्ने, सामाजिक र वन अर्को पक्षले लिने : सुदूरपश्चिम कांग्रेसमा भागबण्डा
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
प्रतिक्रिया