कोरोना संक्रमण दिन प्रतिदिन बढ्दै,आज मात्र २४ सय बढी संक्रमित थपिए

हाम्रो बुलेटिन बिहिबार ०९, बैशाख २०७८ २०:२१

कोरोना संक्रमण दिन प्रतिदिन बढ्दै,आज मात्र २४ सय बढी संक्रमित थपिए

काठमाडौँ- नेपालमा पछिल्लो २४ घण्टामा थप २४ सय २८ जनामा कोरोना संक्रमण पुष्टि भएको छ। पीसीआर विधिबाट १० हजार १ जनाको र एन्टिजेन विधिबाट ४४७ जनाको परीक्षण गरिएको थियो ।

जसमा पीसीआर विधिबाट २३ सय ६५ र एन्टिजेनबाट ६३ जना पुष्टि भएको स्वास्थ्य तथा जनसंख्या मन्त्रालयले जनाएको छ । यस्तै पछिल्लो २४ घण्टामा थप ५ जनाको मृत्यु भएको पनि मन्त्रालयले जनाएको छ ।

यही अवधिमा २५२ जना कोरोना संक्रमणमुक्त भएका छन् । नेपालसम्म २ लाख ७६ हजार ३४५ जना निको भएका छन् भने कुल संक्रमितको संख्या २ लाख ९२ हजार १५२ पुगेको छ । कुल मृतकको संख्या ३ हजार ११७ पुगेको छ ।

नेपालमा हाल १२ हजार ६९० जना सक्रिय संक्रमित रहेका छन् ।