ताजा अपडेट
कोरोना संक्रमित पूर्वरानी कोमललाई प्लाज्मा थेरापीबाट उपचार गर्ने तयारी
काठमाडौँ— कोरोना भाइरस संक्रमित पूर्व रानी कोमल शाहलाई प्लाज्मा थेरापीबाट उपचार गरिने भएको छ ।
कोरोना संक्रमण भएपछि नर्भिक अस्पतालको आइसीयुमा उपचार गराइरहेकी पूर्वरानी शाहलाई प्लाज्मा थेरापीबाट उपचार गर्ने तयारी गरिएको हो ।
अस्पताल स्रोतका अनुसार हाल उनको लागि प्लाज्माको खोजी भइरहेको छ ।
हाल उनलाई अक्सिजनको मात्रा कम देखिएपछि आइसियुमा राखेर उपचार भइरहेको छ । उनलाई हाइफ्लोमा अक्सिजन दिइरहेको विहान अस्पतालले विज्ञप्ति जारी गरी जनाएको थियो ।
कोरोना संक्रमण पुष्टि भएपछि पूर्वराजदम्पति ज्ञानेन्द्र – कोमल र पूर्व अधिराजकुमारी प्रेरणाको काठमाडौँको थापाथलीस्थित नर्भिक अस्पतालमा उपचार भइरहेको छ ।
पूर्वराजदम्पति भारतको कुम्भमेलामा सहभागी भएर ५ वैशाखमा फर्केपछि ७ गते कोरोना पुष्टि भएको थियो ।
त्यसपछि ११ वैशाखमा अस्पताल भर्ना गरिएका शाह दम्पति र छोरी मध्ये छोरीको अवस्था सामान्य रहेको बताइएको छ भने पूर्वराजालाई अक्सिजन सपोर्टमा राखिएको छ ।
पूर्वराजाको भारत भ्रमणको टोलीमा संलग्न अरु केहीलाई संक्रमण देखिए पनि त्यस्तो अफ्ठ्यारो नभएको बताइएको छ ।
सम्बन्धित समाचार
ट्रेन्डिङ
ताजा अपडेट
-
एशियन बिस्कुटद्वारा बाम्काबजारका आगलागी पीडितलाई राहत वितरण
-
सुदूरपश्चिम प्रज्ञा प्रतिष्ठानमा मोबाइल खरिद गर्न प्रदेस सरकारले गर्यो ४० हजार बजेट विनियोजन
-
सुदूरपश्चिम प्रदेस सरकारको बजेट: सिचाँई र सडक निर्माणका लागी १ हजार विनियोजन
-
डेढ अर्ब आन्तरिक आय भएको सुदूरपश्चिम सरकारले कहाँबाट ल्याउँछ ३२ अर्ब ?
-
सुदूरपश्चिमको बजेटमा यस्ता छन् योजना (कार्यक्रम पुस्तिकासहित)
प्रतिक्रिया