ताजा अपडेट
सुदूरपश्चिममा थपिए ५७ जना कोरोना संक्रमित
बुधवार धनगढी प्रयोगशालामा भएको परीक्षणमा थप ५७ जनामा कोरोना पुष्टि भएको छ।सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार १९ महिला र ३८ पुरुष गरी ५७ जनामा कोरोना पुष्टि भएको हो। पछिल्लो २४ घण्टामा दुई सय जनाको कोरोना परीक्षण भएकोमा डोटीका ३७, कैलालीका ८, कञ्चनपुरका ८ र डडेल्धुराका चार जनामा संक्रमण पुष्टि भएको हो।
सबैभन्दा बढि डोटीको आदर्श गाउँपालिकामा ३७ जनामा कोरोना देखिएको छ। उनीहरु मध्ये १४ महिला र २३ पुरुष रहेका छन्। चार जना भने एक बर्षमूनीका बालबालिका समेत रहेको छन्।
यस्तै कञ्चनपुरको भीमदत्त नगरपालिकाका ४ पुरुष र १ महिला गरी ५ जना, बेलौरी नगरपालिकाका २ पुरुष र १ महिला गरी तीन जनामा समेत कोरोना पुष्टि भएको छ। सूचना अधिकारी श्रेष्ठका अनुसार कैलालीको भजनी नगरपालिकाका ३ पुरुष र २ महिला गरी ५ जना, बर्दगोरीया गाउँपालिकाका २ पुरुष र १ महिला गरी ३ जनामा पनि कोरोना पुष्टि भएको छ।
डडेल्धुराको परशुराम नगरपालिकाका चार पुरुषमा समेत कोरोना पुष्टि भएको छ। योसंगै सुदूरपश्चिममा संक्रमितको संख्या चार हजार तीन सय ८४ पुगेको छ। महेन्द्रनगरपोष्ट
प्रतिक्रिया