दार्चुलामा एक पुरुषमा कालाजार देखियाे

हाम्रो बुलेटिन सोमबार १५, साउन २०८० ०६:०६

दार्चुला – दार्चुलामा एक पुरुषमा कालाजार देखिएको छ । आइतवार उपचारका लागि आएका शैल्यशिखर नगरपालिका–९ नायलका ५० वर्षीय पुरुषमा कालाजार देखिएको गाेकुलेश्वर अस्पतालका मेडिकल अधिकृत डाक्टर मियाज अन्सारीले जानकारी दिनुभयाे । कालाजार देखिएका पुरुषलाई थप उपचारका लागि जिल्ला अस्पताल दार्चुलामा पठाएको उहाँले बताउनुभयो ।

जिल्ला अस्पताल दार्चुलाका सूचना अधिकारी राजेश भट्टका गएकाे फागुनमा पनि ती पुरुषलाई कालाजार देखिएकाे थियाे । त्यसपछि उपचारका लागि धनगढी पठाएपछि निकाे भएकामा अहिले फेरि कालाजार देखिएकाे सूचना अधिकारी भट्टले बताउनुभयाे ।

ती पुरुषलाई थप उपचारका लागि भाेलि साेमवारसम्म सुविधा सम्पन्न अस्पतालमा पठाउने तयारी भएकाे उहाँले जानकारी दिनुभयाे । कालाजार 'स्यान्ड फ्लाई' नामको भुसुनाको टोकाइका कारण लाग्ने गर्दछ ।