Hamro Bulletin

कमल रावल, भदौ २० अछाम

जिल्ला अस्पताल मंगलसेन अछाममा दात सम्बन्धीको सेवा सुरु भएको छ । विगत लामो समय देखि संञ्चालनका लागि प्रयास गरिरहेको अस्पतालले हालैमात्र दातको समस्या भएका बिरामीका लागी सेवा संञ्चालन गर्न सकेको हो । दातको सेवा सुचारुका लागि भौतिक संरचना, आवश्यक सामाग्री र जनशक्ति ब्याबस्थापन पनि सेवा सुरु भएको अस्पतालले जनाएको छ । अस्पताल आफैले सेवा संञ्चालन गरेपछि अछामका सेवाग्राहीलाई निकै टेवा पुग्ने जिल्ला अस्पताल अछामका डाक्टर मनोष्ट बिष्टले बताउनु भयो ।

अस्पतालमा १ जना डेन्टल हाईजेनिष्ट नै नियमित रुपमा बिरामीका लागि सेवा दिने उहाँले बताउनु भयो । दातको प्राथमिक उपचार सहीत किराले खाएको, भाचिएको निकाल्ने, फोहार सफा गर्ने लगाएतका समस्या अब सरकारी अस्पतालबाट सेवाग्राहीले सरकारी मापदण्ड अनुसार छुट सहित सेवा पाउने भएका छन । यसअघि जिल्ला अस्पतालमा दातको सेवा नहुदा सेवाग्राहीले मंगलसेन र साफेबगरका निजि क्लिनीकमा उपचार गराउनु पर्ने हुन्थ्यो भने बयालपाटा अस्पतालमा जानु पर्ने अबस्था रहेको थियो । अब जिल्ला अस्पतालमा सेवा सुरु भएकाले लामो समय देखि समस्या भएका सबैलाई अस्पतालमै आउन डाक्टर बिष्टले आग्रह गर्नु भएको छ ।

अस्पतालको लामो प्रयास पछी सफल भएकाले अछामीका लागि समेत खुशिको खबर भएकाले नियमीत सेवा लिनका लागि उहाँले आग्रह गर्नु भएको छ । गरिब, असहाय सहित विपन्न बर्गका लागि दातको उपचारका लागि धेरै पैसा खर्च गर्नुपर्ने बाध्यता अब हटदै जाने उहाँले बताउनु भयो । हरेक नागरिकको स्वास्थ्य सेवालाई मध्यनजर गर्दै ब्याबस्थित गर्दै जाने भएकाले नियमित सेवा लिन आग्रह गर्नु भएको छ ।