एमालेको सुदूरपश्चिम इञ्चार्ज भट्टलाई बनाउने तयारी
काठमाडौँ – नेकपा एमालेको सुदुरपश्चिम इञ्चार्जमा नयाँ विवाद उत्पन्न भएको छ । माओवादीबाट सुदुरपश्चिम इञ्चार्ज उद्योगमन्त्री लेखरजा भट्ट रहेका थिए भने एमालेबाट भीम रावल सुदुरपश्चिम इञ्चार्ज छन् । भट्ट पनि एमालेमा आएसँगै उक्त प्रदेशमा इञ्चार्जबारे नयाँ विवाद देखा परेको छ ।
बुधबार सुदूरपश्चिम प्रदेश पार्टी कार्यालयमा एमालेको साइबोर्ड राख्ने क्रममा केपी ओली पक्ष र माधव नेपाल पक्षबीच झडप भएको छ । ओली पक्षका कार्यकर्ताहरुले पार्टी कार्यालयमा लेखराजको नेमप्लेट राखेका थिए । नेपाल पक्षका कार्यकर्ताहरूले रावलको नेमप्लेट राखेपछि झडप भएको हो । संसद विघनपछि केपी शर्मा ओलीका विश्वास पात्र बनेका भट्ट सुदुरपश्चिम इञ्चार्ज बन्ने चर्चा सुरू भएको छ ।
नेकपा एमाले र माओवादी केन्द्रबीचको एकतापछि प्रचण्डले धनगढी पुगेर भीम रावललाई ‘सुदूरपश्चिमको नेता तपाईँ नै हो’ भनेका थिए । । त्यसयता भट्ट प्रचण्डसँग टाढिँदै आएका थिए । भट्ट प्रचण्डलाई छोडेर अहिले एमालेतर्फ लागिसकेका छन् ।
प्रधानमन्त्री ओलीले संगठन विस्तारका क्रममा नेकपा सुदूरपश्चिम इन्चार्ज भट्टलाई नै तोकेका थिए । भट्ट पार्टी ब्युँतिनुपूर्व नेकपाका सुदूरपश्चिम प्रदेशको इन्चार्ज थिए ।
स्रोतका अनुसार प्रतिनिधिसभा विघटनकाविरुद्धमा खरो उत्रिएका नेता रावललाई हटाएर प्रधानमन्त्री ओलीले भट्टलाई इञ्चार्जको जिम्मेवारी दिने तयारी गरेका छन् । पछिल्लो समय भट्ट ओली निकट मानिन्छन् । संसद विघटन असंवैधानिक कदम भन्दै रावलले प्रधानमन्त्रीको चर्को विरोध गरेका थिए । त्यतिमात्र होइन सुदुरपश्चिम गएका प्रधानमन्त्रीलाई रावलले विभिन्न आरोपसमेत लगाएका थिए ।
‘भीम रावलका पछिल्ला गतिविधिले प्रधानमन्त्री रुष्ट हुनुहुन्छ । त्यसैले उहाँले लेखराजलाई ईञ्चार्ज बनाउने सम्भावना बढेको छ’, ओली निकट एक नेताले भने ।-kathmandupati
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया