प्रदेश इञ्चार्जमा लेखराजको नाम राखेपछि भीम रावलको ईश्वर पोखरेल र विष्णु पौडेललाई फोन
काठमाडौँ – सुदूरपश्चिम प्रदेश इञ्चार्जमा लेखराज भट्टको नाम राखेपछि नेकपा एमालेको अध्यक्ष केपी शर्मा ओली र वरिष्ठ नेता माधवकुमार नेपाल समूहका कार्यकर्ताबीच कुटाकुट भएको छ ।
कैलालीको धनगढीस्थित एमालेको पार्टी कार्यालयमा प्रदेश इन्चार्जमा उपाध्यक्ष डा भीम रावलको नाम हटाएर भट्टको ‘नेम प्लेट’ राखेपछि दुई समूहका कार्यकर्ताबीच कुटाकुट भएको हो ।
नेता रावलले कैलाली घटनापछि पार्टीका महासचिव ईश्वर पोखरेललाई टेलिफोन गरेर घटनाबारे जानकारी गराएका छन् । रिपोर्टर्स क्लबमा आयोजित पत्रकार सम्मेलनमा रावलले उक्त घटनाबारे आफूले महासचिवलाई टेलिफोन गरेर जानकारी गराएको बताए ।
‘महासचिवलाई टेलिफोन गरेर यो के हो भनेर जानकारी मागे । उहाँले अनविज्ञ प्रकट गर्नुभयो,’ उनले भने । रावलले उपमहासचिव विष्णु पौडेललाई सम्पर्क गर्न खोजे पनि फोन नउठाएको बताए । प्रधानमन्त्री एवं पार्टी अध्यक्ष ओलीसँग पनि सम्पर्क हुन नसकेको रावलको भनाइ छ ।
‘उहाँसँग पनि कुरा गर्न खोजेको थिए । सम्पर्क हुन सकेन । सम्पर्क नभएकाले कुरा भएन । उहाँ त अध्यक्ष हो,’ उनले भने । घटनाबारे पार्टीमा छलफल हुने, सुदूरपश्चिम प्रदेश कमिटीको बैठक बस्ने र उचित ढंगले अगाडि बढ्ने रावलले बताए ।
रावलले धनगढीमा गुण्डागर्दी प्रवृत्ति देखिएको रावलले आरोप लगाए । ‘अहिले नै यस्तो चरित्र देखाइयो । पार्टी विधि प्रक्रिया विधिसम्मत ढंगबाट चलाउन चुनौती देख्छु । चटकपुरमा गुण्डागर्दी गरेर एमालेलाई समाप्त गर्छन् । आक्रमण गरेपछि प्रतिकार गर्छौं । एमाले फुटाउने र सिध्याउने षडयन्त्र पनि हुनसक्छ । हाम्रा पार्टीका सदस्यलाई धम्की दिएका छन् । पार्टी पंक्तिले प्रतिवाद गर्छ,’ उनले भने । यो समाचार काठमाण्डुपाटीमा छ ।
सम्बन्धित समाचार
ट्रेन्डिङ
ताजा अपडेट
-
सानपा मा आई.पि.भि. खोप अभियान सम्बन्धि पालिका स्तरीय खोप समन्वय समितीसंग अभिमुखिकरण कार्यक्रम सम्पन्न
-
साँफेबगर नगरपालिकामा दुई दिने खोप कार्यक्रमको स्वास्थ्य संस्था स्तरीय सुक्ष्म योजना तर्जुमा गोष्ठी सुरु
-
आज सुदूरपश्चिमका मुख्यमन्त्रीले विश्वासको मत लिँदै
-
ने.वि संघ अछाम द्धारा प्रमुख जिल्ला अधिकारी मार्फत प्रधानमन्त्री लाई ज्ञापन पत्र
-
चौरपाटी गाउँपालिकाको निति तथा कार्यक्रम सार्वजनिक -पूर्णपाठ सहित
प्रतिक्रिया