ताजा अपडेट
माओवादी केन्द्रले गर्यो मन्त्री रहेका चार सांसदलाई कारबाही, गृहमन्त्री थापा भने बाँकी (पत्रसहित)
काठमाडौं- नेकपा (माओवादी केन्द्र)ले केपी शर्मा ओली नेतृत्वको सरकारमा रहेका मन्त्रीहरुलाई कारबाही गरेको निर्णय संघीय संसद् सचिवालयमा बुझाएको छ ।
माओवादी केन्द्रले प्रतिनिधिसभा सदस्य रहेका मन्त्रीहरु लेखराज भट्ट, टोपबहादुर रायमाझी, गौरीशंकर चौधरी र प्रभु साह सांसद नरहेको जानकारी गराएको हो । राष्ट्रियसभा सदस्य रहेका गृहमन्त्री रामबहादुर थापा ‘बादल’लाई भने कारबाही गरिएको छैन ।
माओवादीका तर्फबाट ओली नेतृत्वको सरकारमा भट्ट उद्योगमन्त्री, रायमाझी ऊर्जामन्त्री, चौधरी श्रममन्त्री र साह सहरी विकासमन्त्री छन् ।
सत्तारुढ दल नेकपा विभाजित भएपछि माओवादी केन्द्र प्रधानमन्त्री ओलीसँग असन्तुष्ट छ । तर, सोही पार्टीका सांसद हुँदै मन्त्री बनेकाहरुले ओलीलाई साथ दिएपछि कारबाही गरिएको हो ।
प्रतिक्रिया