ताजा अपडेट
कांग्रेसको आन्तरिक एकता बलियो हुनुपर्यो: देउवा
काठमाडौँ – नेपाली कांग्रेसका सभापति शेरबहादुर देउवाले नेपाली कांग्रेसलाई बलियो बनाउन पार्टीको आन्तरिक एकता बलियो हुनुपर्ने बताएका छन्।
कांग्रेस एक भए कुनै पनि तागतले हराउन नसक्ने उनले बताए। मंगलबार झापाको बुद्धशान्ति गाउँपालिका वार्ड नं ७ मा शहीद यामबहादुर आचार्यको शालिक अनावरण गर्दै सभापति कांग्रेस सभापति देउवाले पार्टीका सबै नेता तथा कार्यकर्ता एक ठाउँमा उभिनुपर्ने बताए।
उनले भने, ‘अहिलेको जस्तो जटिल परिस्थितिमा पनि पार्टीलाई जिताउन सजिलो हुन्छ यदी हामी एक भयौं भने।’
नेपाली कांग्रेसले प्रजातन्त्रको रक्षाका लागि जहिले संघर्ष गर्ने देउवाले बताए। प्रजातन्त्रको खिलाफमा कसैसँग सम्झौता नेपाली कांग्रेसले नगर्ने उनले बताए।
पार्टीका पूर्व महामन्त्री कृष्णप्रसाद सिटौलाले देशमा जारी राजनीतिक संकटको समाधान गर्ने जिम्मा अब नेपाली कांग्रेसको काँधमा आएको बताए।
प्रतिक्रिया