ताजा अपडेट
केही दिनभित्र जनपक्षीय सरकार बनाई अब नयाँ युगको सुरुवात हुने प्रचण्डको दाबी
काठमाडौँ – नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डले सर्वोच्च अदालतले संसद पुनर्स्थापना गरे पनि खतरा नटरेको बताउनुभएको छ ।
चितवनको माडीमा योङ्ग कम्युनिस्ट लिग (वाईसीएल)को कार्यक्रममा दाहालले केही दिनभित्र केन्द्रमा नयाँ कायापलट हुने खुलासा गर्नुभयो ।
केपी शर्मा ओली नेतृत्वको सरकारलाई तह लगाउने अन्तिम प्रयासमा आफूहरु रहेको दाहालले बताउनुभयो ।
त्यसको तयारीस्वरुप आज काठमाडौँमा राजनीतिक दलहरुसँग बैठक रहेको उहाँले बताउनुभयो ।
उहाँले निरंकुश सरकारको पतन गराएर र जनपक्षीय सरकार बनाई अब नयाँ युगको सुरुवात हुने दाबी गर्नुभयो ।
प्रतिगमनका विरुद्ध सडकमा आएका राजनीतिक दलको सहकार्यमा नयाँ सरकार छिट्टै बन्ने उहाँको भनाइ छ।
प्रतिक्रिया