ताजा अपडेट
रावललाई थापाको चुनौती- 'राष्ट्रघाती भए मेरो चारपाटा मुडेर थानकोट कटाइयोस्'
काठमाडौँ — नेपाली कांग्रेसका महामन्त्री तथा पूर्वमन्त्री गगन थापाले एमसीसी लागू गर्दा अमेरिकी सैनिक नेपालमा आउने अवस्था आएमा त्यसलाई तत्क्षण खारेज गर्न सकिने बताएका छन् ।
एमसीसी सम्झौता ल्याएकोमा गल्ती गरेको नभई सबैले यसको जिम्मेवारी लिनुपर्ने उनले बताएका थिए । आइतबार राति संसद् बैठकमा जारी एमसीसीमाथि दफाबार छलफलमा सहभागी हुँदै उनले यस्तो बताएका हुन् ।
एमसीसीबारे यसअघि उठेका प्रश्नको जवाफ दिँदै उनले यदी एमसीसीका आधारमा अमेरिकी सैनिक नेपाल आएको खण्डमा खारेज गर्न सकिने बताएका थिए । यस्तै एमालेका नेता भीम रावललाई लक्षित गर्दै उनले खुला बहस गर्न चुनौती समेत दिएका थिए ।
'मानीय भीम रावल ज्यु । म चुनौती सामना गर्न तयार छु । कहाँ बहस गरौँ । सडकमा वा सदनमा । काठमाडौंमा कि अछाममा । म काठमाडौंको सांसद् यदी एमसीसी सम्झौता राष्ट्रघाती भएमा मेरो नागरिकता खोसियोस् । चारपाटा मोडेर थानकोट कटाइयोस् । सम्पत्ति खोसियोस् । म चुनौती दिन्छु,' नेता थापाले भनेका थिए ।
यस्तै नक्कली राष्ट्रवादीले मान्छैलाई मर्नका लागि उचाल्ने तर आफू सच्चा राष्ट्रवादी भएको उनले चेतावनी दिएका थिए । यसअघि एमाले नेता भीम रावलले एमसीसी पास गर्न समर्थन जनाउने सबै नेताहरू गद्दार भएको आरोप लगाएका थिए ।
प्रतिक्रिया