ताजा अपडेट
आईपीएल क्रिकेटको पहिलो खेलमा बैंगलोर विजयी
इन्डियन प्रिमियर लिग, आइपिएल २०२१ को पहिलो खेलमा रोयल च्यालेन्जर्स बैंग्लोर विजयी भएको छ ।
शुक्रबार बेलुका भएको खेलमा बैंग्लोरले मुम्बई इन्डियन्सलाई दुई विकेटले पराजित गरेको हो ।
मुम्बईले प्रस्तुत गरेको १६० रनको लक्ष्य बैंग्लोरले ८ विकेटको क्षतिमा भेट्टाएको हो ।
#RCB win the #VIVOIPL 2021 season opener against #MI by two wickets.
— IndianPremierLeague (@IPL) April 9, 2021
Scorecard - https://t.co/PiSqZirK1V #MIvRCB #VIVOIPL pic.twitter.com/87Cu6fkXO3
चेन्नईमा भएको खेलमा बैंग्लोरका एबी डी भिल्लियर्सले २७ बलमा ४८, ग्लेन म्याक्सवेलले २८ बलमा ३९ तथा कप्तान विराट कोहलीले २९ बलमा ३३ रन बनाए । मुम्बईका जसप्रित बुमराह र मार्को जेनसनले समान दुई–दुई विकेट लिए ।
पहिले ब्याटिङ्ग गरेको मुम्बईले ९ विकेटको क्षतिमा १५९ रन बनाएको थियो । उसका लागि क्रिस लिनले ४९, सूर्यकुमार यादवले ३१, इशान किशनले २८ तथा कप्तान रोहित शर्माले १९ रन बनाए पनि हार टार्न सकेनन् ।
प्रतिक्रिया