ताजा अपडेट
रुसमा आर्थिक प्रतिबन्धको असर : ब्याजदर ९.५% बाट बढेर २०% पुग्यो, रुवल इतिहासकै कमजोर
![रुसमा आर्थिक प्रतिबन्धको असर : ब्याजदर ९.५% बाट बढेर २०% पुग्यो, रुवल इतिहासकै कमजोर](/uploads/Dhakari/Russia.jpg)
रुसमा पश्चिमा राष्ट्रहरुले लगाएको आर्थिक प्रतिबन्धको असर देखिन थालेको छ । सोमबार रुसको केन्द्रीय बैंकले प्रमुख ब्याजदरहरु ९.५% बाट बढाएर २०% पुर्याएको छ । अर्कोतर्फ, रुसी मुद्रा ‘रुवल’ डलरको तुलनामा इतिहासकै कमजोर बनेको छ । रुबल ३०% ले घटेर प्रतिडलर ११९.५० पुगेको छ । रुवललाई थप कमजोर बन्न नदिँन र मूल्यवृद्धि नियन्त्रण गर्न ब्याजदर बढाइएको रुसी केन्द्रीय बैंकले जनाएको छ ।
यता, बजारको गिरावट नियन्त्रण गर्नका लागि विदेशी लगानीकर्ताहरुलाई रुसी धितोपत्र बिक्री गर्न पनि रोक लगाएको छ । तरलता बढाउन स्थानीय बैंकमा रिजर्भमा रहेको करिब ७ खर्ब ३३ अर्ब रुवल पनि खुला गर्ने भएको छ । पश्चिमा मुलुकहरुको आर्थिक प्रतिबन्धका कारण रुसी बैंकहरु पनि अप्ठेरोमा परेका छन् । पछिल्लो समय रुसी बैंकहरुमा नगद अभाव पनि बढ्दै गएको छ ।
रुसका बैंकहरुबाट छोटो समयमै ठूलो मात्रामा निक्षेप बाहिरिएको छ । एटीएम मेसिनहरुमा मानिसहरुको लस्कर लाग्ने थालेको विदेशी सञ्चारमाध्यमहरुले जनाएका छन् । गत साता अमेरिका, क्यानडा र युरोपेली देशहरुले विश्वका २०० भन्दा बढी देशका ११ हजार बढी बैंकहरु जोड्ने ‘स्विफ्ट’ प्रणालीबाट रुसका प्रमुख बैंकहरुलाई हटाउने निर्णय गरेका थिए । जसको असर पनि रुसी बैंकहरुमा देखिन थालेको छ ।
सम्बन्धित समाचार
ट्रेन्डिङ
ताजा अपडेट
-
बुढीगंगा नदि नजिकैको पुलबजारमा बाढी पस्यो
-
एउटै विद्यालयमा ४१ बर्ष ७ महिना अध्यापन गराएर अवकास लिएका शिक्षक ललित बहादुर कुँवर
-
मुख्यमन्त्री सोडारीकी पत्नी नक्कली शैक्षिक प्रमाणपत्रमा दोषी ठहर
-
साँफेबगर नगरपालिकाको अगामी आर्थिक वर्षको बजेट पूर्ण बहुमतले पारीत
-
जन्मदिनमा नगर प्रमुख कुँवरद्वारा विपन्न बालबालिकालाई कपडा वितरण
प्रतिक्रिया