Hamro Bulletin

रसिया-युक्रेन युद्धले विश्वकै ठूलो हवाई जहाज एनटोनोवको नोक्सान भएको छ। रसियाले युक्रेनको होस्टमेलमा रहेको एनटोनोभ एयरपोर्टमा आक्रमण गर्दा एएएन-२२५ म्रिया नाम गरेको जहाजमा क्षति भएको जनाइएको छ।

यो जहाज क्षतिग्रस्त रहेको युक्रेनका परराष्ट्र मन्त्री मिट्रो कुलेबाले पुष्टि गरेका हुन्। 'यो विश्वकै ठूलो हवाई जहाज थियो। रसियाले यो जहाज क्षतिग्रस्त बनाइदिएको छ,' परराष्ट्र मन्त्री कुलेबाले भनेका छन्,'तर रसियाले हाम्रो स्वतन्त्रता र प्रजातन्त्रलाई जित्न सक्दैन।'

यो जहाज सोभियत स्पेसमा प्रयोग हुने रकेटको उपकरण ढुवानीका लागि प्रयोग गरिँदै आइएको थियो। यो जहाजले पहिलो उडान सन् १९८८ मा गरेको थियो। ६ वटा इन्जिन, ४२ वटा पाङ्ग्रायुक्त जहाजमा एक पटकमा ६ सय ४० टन सामान ढुवानी क्षमता छ।

यस्तै जहाज सुरुमा दुईवटा आविष्कार गर्ने योजना थियो। सोभियत युनियन हट्नु अगाडि एउटा जहाज तयार भएको थियो भने अर्को एउटा जहाज अहिले पनि एनटोनोव एयरपोर्टकै ह्याङ्गरमा राखिएको छ।

दुई मुलुकबीच गत फेब्रअरी २४ तारिखबाट सुरु भएको युद्धका कारण यो जहाजमा क्षति पुगेको छ।