बक्सिङ प्रतियोगितामा अछामका प्रवीण विजयी
सातदोबाटोमा राष्ट्रव्यापी स्कुल ब्वाइज तथा गर्ल्स बक्सिङ प्रतियोगितामा ब्वाइजतर्फ ४३ केजी तौल समूहमा अछामका प्रवीण टमाटाले जेसीएसका सुवास बस्नेतलाई अंकका आधारमा पराजित गरेका छन् ।
सोही तौलमा अल्फाका सोनम पुनमगरले फाइट प्रमोसनका स्वरुप तिरुवालाई आरएससीका आधारमा हराए । अब प्रवीणले सोनम सेमिफाइनलमा खेल्नेछन् ।
३५ केजीमा नक्सालका सक्षम लामाले अछामका सन्तोष भट्ट र मकवानपुरका अरुण सापकोटाले भक्तपुरका प्रत्युष सुजखुलाई अंकका आधारमा हराएर सेमिफाइनल तय गरेका छन् । ४० केजीमा थानकोटका प्रकट महर्जनले बक्समाण्डुका सुवास तिरुवा र ४९ केजीमा कास्कीका आकाश बोहराले दमकका रोशन बिकलाई हराए ।५२ केजीमा भूपू बक्सिङ पोखराका समुन्द्र थापामगरले मोरङका कीर्तिक मास्के र बाँकेका योगराज खत्रीले अछामका विनोद नागार्जीलाई अंकका आधारमा हराए ।
देशभरका २५ जिल्ला, क्लब तथा स्कुलका १२ देखि १४ वर्षभित्र ४८ खेलाडीले भाग लिएका छन् ।
आउँदो अप्रिलमा फुकेटमा हुने थाइल्यान्ड ओपन इन्टरनेसनल बक्सिङ प्रतियोगिताको खुला छनोटअन्तर्गत ४८ केजी तौलमा एचटूओका रविन थापाले झापाका धर्मेन्द्र राई र बक्समाण्डुका लक्ष्मण राईले ललितपुरका अर्जुन तामाङलाई हराए ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया