ताजा अपडेट
नेपालले जित्यो जिम्बावे 'ए' विरुद्धको एकदिवसीय शृंखला
अन्तिम तथा निर्णायक एकदिवसीय खेलमा नेपालले जिम्बावे ‘ए’लाई ६ विकेटले पराजित गरेको छ । अन्तिम खेल जितेसँगै नेपालले जिम्बावेविरुद्धको एकदिवसीय शृंखला २-१ ले जितेको छ । पहिलो खेलमा जिम्बावे ३ विकेटले विजयी भएको थियो भने दोस्रो खेल नेपालले ९ विकेटले जितेको थियो ।
जिम्बावे 'ए' ले दिएको २१४ रनको लक्ष्य नेपालले ३०.१ ओभरमा ४ विकेटको क्षतिमा पूरा गरेको हो । नेपालका लागि कुशल भुर्तेलले सर्वाधिक ८४ रन बनाए । ६१ बल सामना गरेका उनले ४ छक्का र ७ चौका हानेका थिए । त्यस्तै अर्का ओपनर आरिफ शेखले २९ रन बनाए । त्यस्तै दीपेन्द्रसिंह ऐरीले नटआउट ६० रन बनाउँदा विनोद भण्डारीले नटआउट २८ रन बनाए ।
जिम्बावेका लागि ब्रान्डन माभुटाले ३ र ब्राड इभान्सले १ विकेट लिए ।
यसअघि जिम्बावे 'ए' ले ३२.१ ओभरमा सबै विकेटको क्षतिमा २१३ रन बनाएको थियो । आइतबार वर्षाका कारण मैदान भिजेका कारण आजको खेल ३३ ओभरमा छोट्याइएको थियो । जिम्बावेका लागि तादिवानाशे मारुमनीले सर्वाधिक ५० रन बनाए । त्यस्तै कु्द्जाई माउन्जेले ३९ रन बनाउँदा रोय कायाले ३६ रन बनाए ।
नेपालका लागि किशोर महतोले सर्वाधिक ५ विकेट लिए । ७ ओभर बलिङ गरेका उनले १ मेडन राख्दै ४३ रन खर्चिए । त्यस्तै सोमपाल कामीले २ तथा करण केसी र दीपेन्द्रसिंह ऐरीले १/१ विकेट लिए ।
जिम्बावेको 'ए' टिम नेपालमा तीन ट्वान्टी-२० र तीन एकदिवसीय शृंखला खेल्न आएको हो । तीन ट्वान्टी-२० शृंखलामा जिम्बावेले पहिलो खेलमा नेपाललाई ६ विकेटले हराएको थियो । त्यस्तै दोस्रो खेल वर्षाका कारण रद्द गरिएको थियो । तेस्रो खेलमा भने नेपालले जिम्बावे 'ए' लाई ८ विकेटले हराएको थियो ।
जिम्बावेको कुनै पनि टोली नेपालमा आएर पहिलो पटक खेलेको हो । टोनी मुनिओङ्गाको कप्तानीमा रहेको जिम्बावे ‘ए’ को प्रशिक्षकमा पूर्व टेस्ट खेलाडी डगलस होन्डो रहेका थिए ।
सम्बन्धित समाचार
ताजा अपडेट
-
अछामको साँफेबगर सहित सुदूरपश्चिममा छ इलाका प्रशासन कार्यालय थपिँदै
-
“सफा खप्तड समरजीतको प्रतिवद्धता” भन्ने मूल नारा सहित व्यापक सरसफाई अभियान
-
खाप्पर दह मेला–२०८२ सम्पन्न, स्वास्थ्य सेवा र सरसफाइ अभियान पनि
-
साँफेबगर नगरपालिका र खाद्य व्यवस्था कम्पनीबीच सम्झौता, अब किसानको उत्पादन सिधै डिपोमार्फत बजारमा
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
प्रतिक्रिया