Hamro Bulletin

धनगढीः  सीटीईभीटीबाट स्वीकृति प्राप्त भएका सुदूरपश्चिमका ५ शिक्षण संस्थाले २०८०÷०८१ को डिप्लोमा तथा प्रमाणपत्र तहको प्रवेश परीक्षाका लागि सिट पाउनबाट बञ्चित भएका छन्।

प्राविधिक शिक्षा तथा व्यावसायिक तालीम परिषद् (सीटीईभीटी) बाट सम्बन्धन÷स्वीकृति पाएका सुदूरपश्चिमका ५ शिक्षण संस्थाले डिप्लोमा तथा प्रमाणपत्र तहको प्रवेश परीक्षाका लागि सिट पाउन नसकेका हुन्। जस अनुसार कञ्चनपुरको भिमदत्त नगरपालीका–४ को सामुदायिक स्वास्थ्य इन्ष्टिच्युट, कैलाली टिकापुर–१ को सामुदायिक स्वास्थ्य इन्ष्टिच्युट र पद्मा हेल्थ कलेज धनगढीले सामान्य चिकित्सामा सिट नपाएका हुन्। यस्तै, धनगढीको सामुदायिक सेवा सहयोग संस्थानले आयुर्वेद सामान्य चिकित्सा, धनगढी–५ को एकिकृत सामुदायिक विकास तालीम केन्द्रले रडियोग्राफीको डिप्लोमा तथा प्रमाणपत्र तहको प्रवेश परीक्षाका लागि सिट नपाएका हुन्।

सीट नपाउनेमा प्रदेशभरका ५ कलेजमध्ये सबैभन्दा बढी केलालीका रहेका छन्। सिट नपाउनेमा कैलालीका मात्र ४ कलेज रहेका छन्। सीटीईभीटीले एक सूचना प्रकाशित गर्दै स्वास्थ्यतर्फको शिक्षण संस्थाहरुको चिकित्सा शिक्षा आयोगबाट देशभर ४९ कलेजको सिट स्वीकृत नभएको जनाएको छ। जसमध्ये ५ सुदुरपश्चिमका कलेजले सिट नपाएको सीटीईभीटीले एक सूचना प्रकाशित गर्दै स्वास्थ्यतर्फको शिक्षण संस्थाहरुको चिकित्सा शिक्षा आयोगले जनाएको छ।

आयोगको बैठकले सीटीईभीटी अन्तर्गतका नर्सिङ, सामान्य चिकित्सा, ल्याब टेक्नोलोजी, रेडियोग्राफी, फार्मेसी लगायतका विषयको सिट निर्धारणका विषयमा निर्णय गरेको हो।