ताजा अपडेट
सर्वदलीय बैठकमा दिएको बयानपछि मोदी प्रश्नहरुको घेरामा
भारतीय प्रधानमन्त्री नरेन्द्र मोदीले कोही पनि भारतको भूमिमा नघुसेका तथा कुनै पनि सुरक्षा पोस्ट कब्जा नगरेको बताएका छन् ।
चीनसँगको सीमा विवादलाई लिएर शुक्रबार भएको सर्वदलीय बैठकमा प्रधानमन्त्री मोदीले भारत छिमेकी देशसँग मित्रताको चाहना राख्ने तर आफ्नो सम्प्रभुतामा कुनै सम्झौता नगर्ने बताएको भारतीय सञ्चारमाध्यमले जनाएका छन् ।
गएको सोमबार राति लद्दाखको पूर्वी क्षेत्रमा रहेको लगवान उपत्यकासँग जोडिएको वास्तविक नियन्त्रण रेखा (एलएसी) मा भारत र चीनका सेनाबिच भिडन्त भएको थियो । सो भिडन्तमा भारतका एक उच्च कमाण्डरसहित २० सैनिकको मृत्यु भएको थियो ।
दुई देशका मेजर नजरल तहमा भएको वार्तापछि चीनको नियन्त्रणमा रहेका १० भारतीय सैनिक भने बिहीबार बेलुका सकुशल रिहा भएका थिएका थिए ।
मोदीले शुक्रबार गरेको सर्वदलीय बैठकमा विभिन्न पार्टीका नेताहरु भिडियो कन्फ्रेन्स मार्फत सहभागी भए ।
प्रतिक्रिया