ताजा अपडेट
आन्तरिक राजश्व विभाग का महानिर्देशक भन्नुहुन्छ - कर तिर्न भौतिक रुपमा उपस्थित हुन पर्दैन
आन्तरिक राजश्व विभागले निषेधाज्ञा जारी भएका जिल्लाका करदाताले कर तिर्नकै लागि कार्यालयमा भौतिक रुपमा उपस्थित हुन नपर्ने बताएको छ।
विभिन्न एपहरूको माध्यमबाट करदाताले घरमै बसेर कर तिर्न सक्ने व्यवस्था विभागले मिलाएको हो। विभागले प्रविधिसँग जानकार नभएका व्यक्तिले बन्दाबन्दीका कारण समयमा कर नतिर्दा दण्डित हुनुनपर्ने व्यवस्था पनि मिलाउने भएको छ।
आन्तरिक राजश्व विभागका महानिर्देशक झक्क प्रसाद आचार्यले कर तिर्न बढी भन्दा बढी प्रविधिको प्रयोग गर्न सबै करदातालाई अपिल गरेका छन्। उनले ९० प्रतिशत कामहरु अनलाईनबाट नै गर्न सकिने भएकाले भौतिक उपस्थितिलाई कम गरि प्रविधिमैत्री बन्न पनि आग्रह गरे।
कोभिड १९ संक्रमणको जोखिम न्यूनीकरण, रोकथाम र उपचारका लागि कतिपय जिल्लामा निषेधाज्ञा जारी गरेको अवस्थामा न्युज एजेन्सी नेपालले सहज कर तिर्ने सम्बन्धमा भएको तयारीबारे गरेको कुराकानीको सम्पादित अंश :
हिड्न सक्ने अवस्था नै छैन। यस्तो अवस्थामा निषेधाज्ञा जारी भएका जिल्लाका करदाताले कसरी बुझाउने?
अहिले भेरिफिकेसन विवरण हाम्रो सत प्रतिशत अनलाईनबाट छ। सतप्रतिशत करदाताहरुले घरमै बसेर विवरण बुझाउनुहुन्छ। हामी एउटा पनि विवरण म्यानुअल लिदै लिदैनौं। रह्यो कुरा पेमण्टको। हाम्रा करदाताले कर तिर्नका लागि घरमै बसेर एनसिएचएलमार्फत जसले अनलाईन विवरण बुझाउनुहुन्छ उहाँहरुले पक्कै पनि एनसिएचएलको एक्सेस लिनुभएको हुन्छ। त्यसैले राजश्व तिर्नका लागि त कुनै समस्या नै छैन। उहाँहरु घरमै बसेर पनि तिर्न सक्नुहुन्छ।
केही कारणले टेक्नोलोजिमा समस्या आयो अथवा केही कारण भयो भने गत बर्ष पनि भएको थियो यस पटक पनि सरकारले करदाताहरुलाई सहजीकरण गर्ने काम हुन्छ। निषेधाज्ञाकै कारणले पेण्डामिककै कारणले करदाताले समयमै कर तिर्न नसकेका कारण उहाँहरु पेनालाईज्ड हुने अवस्था रहँदैन।
हामीले सेवाग्राहीको लागि प्रविधिको क्षेत्रमा के के गरेका छौ?
करदाताका लागि हामीले गरेको कामहरुको सन्दर्भमा कुरा गर्दा करिब करिब करदाताहरु हामीकहाँ आउनु नै पर्दैन । अडिट र इन्भेष्टीगेसनका कामहरु गर्दाखेरी हाम्रा अफिसरहरुले खोजे भने डकुमेण्ट बुझाउनुपर्ने अवस्थामा बाहेक र प्यानको सक्कली0 सर्टिफिकेट लिन बाहेक करदाता हामी कहाँ आउनुपर्ने अवस्था छैन।
यसको मतलब हाम्रो ९० देखि ९५ प्रतिशत कामहरु हाम्रो अनलाईनबाटै हुन्छ। विवरण बुझाउने, कर तिर्ने, २० लाख सम्मको कारोवार गर्नेहरुले कर चुक्ताको सर्टिफिकेट पनि अनलाईनबाटै लिन्छन्। घरबाटै विवरण पठाएर बैंकबाट पेमेन्ट गरिदियो भने इटिडिएस पनि घरबाटै हुन्छ।
कर कार्यालयमा भौतिक उपस्थितिका साथ गर्नुपर्ने काम एकदमै थोरै छ। पछिल्लो समय कर कार्यालयमा भीड हुन छोडेको छ। सामान्यतया ९० प्रतिशत कामहरु अनलाईनबाटै हुन्छ। केही कदरदाता आईटी फ्रेण्डली नभएका कारण कार्यालय आउने गर्नुहुन्छ तर सामान्यतया आउनु पर्दैन। केही नयाँ सुधारहरु के के गर्न सकिन्छ भनेर केही तयारी हामी गर्दैछौं। जिरो विवरण मोबाईलबाटै भर्न सकिन्छ।
जस्तो हामीले गर्न खोजेको चाही भारतले जस्तै फेसलेस हेयरिङ गर्ने, सबै किसिमका ट्रान्जेक्सनलाई फेसलेस बनाउने प्रविधि ल्याएको छ, त्यसमा हामीले पनि अब खरिद खाता विक्रि खाता प्रमाणित गर्नुपर्ने परम्परागत सिस्टम छ ती कुराहरुलाई प्रतिस्थापन गरेर आधुनिकीकरण कसरी गर्न सकिन्छ भन्ने बारेमा पनि गृहकार्य गरिरहेका छौं।
समग्रमा हाम्रो कर प्रणालीमा धेरै किसिमका आधुनिक प्रविधिहरु हामीले प्रयोग गरिसकेका छौं। आगामी वर्षदेखि सबै परिस्थिति अनुकुल भयो र सहज रुपमा काम गर्न पायौं भने भने बाँकी म्यानुअल कार्यहरुलाई पनि सूचनाप्रविधि मार्फतनै सेवा प्रवाह गर्ने हिसाबले हाम्रो तयारी भईरहेको छ ।
कर्मचारीले कसरी काम गरिरहेका छन् ? संक्रमण हुनबाट बच्च के के गरिएको छ?
हाम्रा कुनै न कुनै कार्यालयमा एक एक जना कर्मचारीहरु कोरोना संक्रमति भईरहेको सूचना आईरहेको छ। त्यसैले हामीले स्थानीय प्रशासनसँग समन्वय गरेर कार्यालय बन्द नहुने गरि अत्यावश्यक सेवाहरु प्रभावित नहुने गरेर सबै कार्यालयहरु हाम्रा खुला छन्।
नेपाल सरकारको निर्णय अनुसार,सकेसम्म नभई नहुने कर्मचारीहरु आलोपालो गरि उपलब्ध गराउने काम भएको छ । निषेधाज्ञा जारी नभएका स्थानहरुमा पनि सकेसम्म मान्छेहरुको भौतिक उपस्थितिलाई कसरी कम गर्न सकिन्छ, त्यसमा सजगता अपनाउनुहोस् भनेर उहाँहरुलाई निर्देश गरिएको छ।
संक्रमित भएका साथीहरुको बारेमा निरन्तर जानकारी लिने काम भएको हौसला दिने काम भएको छ। आजको दिनसम्म सबै कार्यालयबाट काम पनि भईरहेको छ र कुनै पनि करदाताबाट हामीलाई यस्तो काम भएन भनेर गुनासो पनि आएको छैन।
प्रतिक्रिया