ताजा अपडेट
पहिलो पटक मन्त्री बन्दै महामन्त्री खड्का, आजै सपथ लिने, यस्तो छ खड्काको राजनितिक यात्रा
सुदूरपश्चिम प्रदेसमा नयाँ मुख्यमन्त्री नियूक्त भए संगै सरकार गठनको प्रक्रिया पनि सुरु हुने भएको छ । नव नियूक्त मुख्यमन्त्री कमल बहादुर शाहले सपथ लिएसंगै केहि मन्त्रीहरुले पनि सपथ लिने तयारी रहेको स्रोतले जनाएको छ । सोहि क्रममा नेपाली कांग्रेसको तर्फबाट पार्टीका प्रदेस महामन्त्री समेत रहेकासुदूरपश्चिम प्रदेसका प्रदेस सभा सदस्य माननिय मेघराज खड्काले मन्त्री पदको सपथ लिने कुरा बाहिरीएको छ । ईमान्दारीता त्याग र सर्मपणर्को अर्को रुप मानिने माननिय मेघराज खड्काको राजनितिक यात्रा यस्तो रहेको छ ।
अछाम क्षेत्र नम्बर १ मा तत्कालिन समयमा एकमात्र मावि थियो, महेन्द्र मावि बयालपाटा । सोहि महेन्द्र माविबाट २०३५ सालमा कक्षा ८ को पढाई सुरु गरेका मेघराज खड्काले त्यसको एक वर्षपछि २०३६ सालमा जनमत संग्रहको घोषणा भएलगतै पढाईसँगै राजनीति पनि सुरु सुरु गर्नुभएको थियो । बहुदल र निर्दलका पक्षमा जनमतसंग्रह हुँदा उहाँ बहुदलको पक्षमा हुने विभिन्न कार्यक्रममा सहभागी हुनुभयो ।
२०४० सालमा उच्च शिक्षा हासिल गर्न कैलाली बहुमुखी क्याम्पसमा भर्ना हुनुभएका खड्का त्यसको डेढ महिनामै कांग्रेसका कार्यक्रममा सहभागी हुँदा प्रहरीको हिरासतमा थुनिनुभएको थियो । त्यही बेलादेखि उहाँको सक्रिए राजनीति यात्रा सुरु भयो । खड्काले कांग्रेसको भातृ संगठन नेपाल विद्यार्थी संघबाट २०४१ सालमा कैलाली बहुमुखी क्याम्पसको स्ववियु उपसभापति र ०४२ सालमा सभापति भएर काम गर्नुभयो ।
०४२ सालको सत्याग्रहमा साढे चार महिना जेल परेका खड्का पटक-पटक प्रहरी हिरासतमा थुनिनुभयो । विद्यार्थीको सक्रिए राजनीतिसँगै अछाम फर्केका खड्का २०४६ सालको जनआन्दोलनमा अछाममा चरम यातनासहित प्रहरी हिरासतमा थुनिनुभयो । पार्टीको संगठन निर्माणदेखि विभिन्न आन्दोलनमा सहभागी हुँदै निरन्तर राजनीतिमा सक्रिए खड्का २०४८ सालमा नेपाली कांग्रेस अछामको जिल्ला कार्य समिती सदस्य हुनुभयो ।
२०५३ मा भएको नेपाली कांग्रेस पार्टीको ९ औं र १० औं महाधिबेशनबाट महाधिवेश प्रतिनिधि हुँदै महासमिती सदस्य हुनुभएका खड्का ११ औं महाधिवेशनमा २०६२ देखि २०६७ सम्म नेपाली कांग्रेस अछामको सभापति हुनुभएको थियो । त्यसयता भएका १२ औं र १३ औं महाधिवेशनमा उहाँ लगातार महासमिती सदस्य बन्नुभएका खड्का १४ औं महाधिवेशनबाट हालसम्म महासमिती सदस्य हुँदै कांग्रेस सुदूरपश्चिम प्रदेशको महामन्त्री हुनुहुन्छ । यो बीचमा खड्का २०५४ सालमा जिल्ला विकास समिती अछामको सदस्यमा समेत निर्वाचित हुनुभयो । ०५४ देखि ०५९ सम्म उहाँले तत्कालिन जिल्ला विकास समितीको सदस्य भएर काम गर्नुभयो । त्यो बेला आफ्नो क्षेत्रमा विकास निर्माणका महत्वपूणर् काम गरेका खड्का जनतामाझ लोकप्रिय हुनुहुन्छ । त्यस्तै २०७९ सालको आम निर्वाचनमा सुदूरपश्चिम प्रदेस भरीमै सबैभन्दा बढि मतान्तरले प्रदेस सभा सदस्यमा विजयि बन्नुभएका खड्का पहिलो पटक मन्त्री बन्दै हुनुहुन्छ ।
पदमा हुँदा पनि नहुँदा पनि निरन्तर अछामको विकास र समृद्धिका लागि सक्रिए खड्काले निष्ठावान र सरल राजनीतिकर्मीको छवि बनाएका बनाउनुभएको छ । आफ्नो जिन्दगिका उर्जावान ४ दशक राजनीतिमै समर्पित गरेका खड्का यसपटक अछामको मात्र नभएर समग्र सुदूरपश्चिम प्रदेसको विकास र समृद्धिको खाका कोर्ने ठाउँमा पुग्नुभएको छ ।
कर्मण्येवाधिकारस्ते मा फलेषु कदाचन।
मा कर्मफलहेतुर्भूर्मा ते सङ्गोऽस्त्वकर्मणि॥
अर्थात
“तिम्रो अधिकार निश्चय नै आफ्नो निर्धारित कर्ममा मात्र छ, तर त्यस कर्मको फल पाउने वा नपाउने कुरा तिम्रो वशमा छैन । तिमीले आफूलाई कर्मफलको कारण पनि नसोच र कर्म गर्नबाट सङ्कोच पनि कहिल्यै नलिउ ।”
भगवत गिताको यहि श्लोकलाई आफ्नो जिन्दगिको मुल मन्त्र मान्ने खड्काको अछामको विकासदेखि लिएर नीति निमाणर्मा समेत उनको सम्झन लायक भूमिका रहेको छ । साथै उनले राजनितिशास्त्रबाट एम.ए सम्मको अध्ययन गर्नुभएका खड्का सरल र ईमान्दारीताका पर्यायवाचि हुनुन्छ ।
प्रतिक्रिया