Hamro Bulletin

धिरज कुँवर

साँफेबगर नगरपालिका ३ सिद्देस्वर घर भइ अहिले जापानमा बस्ने सामाजिक अभियन्ता लोकेन्द्र जंग कुवँरले आमा स्वर्गीय धनशोभा देवी कुँवरको वार्षिक पुण्य तिथि श्राद्वको अवसरमा तीन जना दाउरा बेचेर घर खर्च चलाउने महिलालाई खाद्यान्न सहयोग गर्नुभएको छ । शनिबार उहाँका दाजु रुपबहादुर कुँवरले ती महिलालाई सामान हस्तान्तरण गर्नुभएको थियो ।

नेपाल जनसम्पर्क समिती कान्तो जापान का सचिव र सुदूरपश्चिमेली नेपाली समाज अन्तर्राष्ट्रिय समितिको संस्थापक केन्द्रिय सदस्य समेत रहेका कुँवरले भारी बोकेर गुजारा गर्दै आएका महिलालाई सहयोग गरेको बताउनुभयो । उहाँका अनुसार साँफेबगरका तीन जना मजदुर महिलालाई चामल , तेल, नुन, चियापत्ती चिनी सहयोग गरिएको हो । 'आमाको श्राद्वको मौकामा आफ्नो सन्तानको पालपोषणको लागि मजदुरी गर्ने आमाहरुलाई केही सहयोग गर्न सकेकोमा मन हलुका भएको छ ' उहाँले भन्नुभयो ,'स्वर्गीय आमाको सम्झनाम अझै केहि सामाजिक कार्य गर्ने सोचिरहेको छु ।' आमाबुवा मरेको तिथिमा गरिने एकोदृष्ट श्रादमा दिएको अन्न तथा जल बर्ष भरि नै पित्रृहरुले प्राप्त गर्दछन भन्ने शाष्त्रिय मान्यता रहेको उहाँ बताउनुहुन्छ श्राद्वको समयमा आफ्ना आफ्ना पित्रृहरु घरको अगाडि आएर बस्छन् भन्ने मान्यता रहेको उहाँले बताउनुभयो ।