Hamro Bulletin

धनगढी । गौरीगंगा ग्रामीण विद्युत सहकारी संस्था समन्वय समिति चौमालाको आयोजनामा सरोकारवालाहरु सँग अन्तरक्रिया कार्यक्रम चौमालामा सम्पन्न भएको छ ।

गौरीगंगा नगरपालिका भित्रका सबै ग्रामीण विद्युत सहकारी संस्थाहरुको विद्युत महशुल एकरुपता कायम गर्न छलफल गरिएको हो । कार्यक्रम प्रमुख अतिथि रहेका गौरीगंगा नगरपालिका प्रमुख देवीदत्त कडेलले सहकारी संस्थाले महशुल एकरुपता ल्याउन आग्रह गरे ।

सहकारी संस्थाले वार्षिक कार्य योजना बनाई काम गर्नुपर्ने समेत बताए । विशिष्ट अतिथि नगर उपप्रमुख भोज बहादुर बमले सहकारी संस्थाले राम्रो काम गरेकोले प्रशंसा गरे । गौरीगंगा ग्रामीण विधुत सहकारी संस्था समन्वय समितिका संयोजक हेमन्त राज जोशी (बाजे) को सभापतित्वमा कार्यक्रम सम्पन्न भएको थियो ।

साथै, बिधुत महसुलमा एकरुपता ल्याउन खगेन्द्र राज जोशीको संयोजकत्वमा ७ सदस्यीय विद्युत महशुल निर्धारण समिती गठन गरेको छ । समितिले १ हप्ता भित्र महशुल एकरुपता बारे छ्लफल गरि नगर स्तरिय समितिलाई राय सहितको प्रतिबेदन बुझाउने निर्णय गरेको संयोजक हेमन्त बाजे ले जानकारी दिएका छन् ।

सो कार्यक्रममा जनप्रतिनिधि, सहकारी संस्था शाखा प्रमुख,नगर भित्र रहेका २० वटा ग्रामीण बिधुत सहकारी संस्थाका अध्यक्ष र व्यवस्थापक हरुको सहभागिता रहेको थियो ।