Hamro Bulletin

नेपाली काङ्ग्रेस रामारोशन गाउँपालिका वडा नम्बर १ वडा कार्यसमिति मलातीकोटले बाढिले बगाउँदा बेपत्ता भएका ११ जनाको खोजी कार्य तदारुकताकासाथ अघि बढाउन माग गरेको छ । आज प्रेस बिज्ञप्ती जारी गर्दे १७ जना मध्ये ६ जनाको शब भेटिसकेको र अन्य ११ जनाको पनी खोजी कार्य तिब्र पार्न जोडदार माग गरेको हो ।

रामारोशन गाउँपालिका यति बेला सोकमा डुबेको छ ,बाढी पहिरोका कारण बगेको सैनी बजार र बाढी प्रभावित मुजाबगर ,खाल बजार घट्टे बगरका बाढी प्रभावित लाई तत्काल राहत, उद्धार तथा पुनः स्थापना लागि पहल गर्न स्थानीय प्रदेश सरकारसंग माग गर्दछौ बिज्ञप्तीमा भनिएको छ । बाढीपहिरो पछि सडक संजाल बिच्छेद भएको रामारोशन गाउँपालिकामा यातायात सेवा सुचारु गर्नका लागि बैकल्पिक ब्यवस्थाका लागि आवश्यक तत्परता देखाउन स्थानीय प्रशासन सहित सम्बन्धित पक्षको ध्यानाकर्षण गराईएको छ । वडा सभापति नवराज साउदद्धारा हस्ताक्षरित बिज्ञप्तीमा नेपाली काग्रेसका सम्पुर्ण नेता कार्यकर्तालाई राहत र उद्धार खट्न आग्रह गरिएको छ ।