Hamro Bulletin

लामो समयदेखि एच. एल. एच.  रोगसँग जुध्दै आएका साँफेबगर नगरपालिका–१० का दीर्घराज भाट यतिबेला काठमाडौँको नयाँबानेश्वर स्थिति सिभिल अस्पतालमा उपचाररत छन ।आर्थिक अभावले उपचारमा समस्या आएपछि    ने. वि. संघ अछाम का युवाहरु ले भाटको उपचारको लागि आर्थिक सहयोग गरेका छन  ।  
अभियान मा संग्लन युवाहरु कुबेर कुवँर,धनराज महता,सहदेव कुवँर,प्रकाश खडका,लगाएतका युवाहरुले रु .१३४५० /- संकलन गरी दिर्घ भाट बचाउ अभियानमा सहयोग गरेका हुन । आगामी दिनहरुमा पनि यस्तै परोपकारी कामहरु गरिरख्ने ने. वि. संघका कुबेर कुवँर ले बताए ।

धेरै ज्वरो आएपछि गत जेठमा उपचारका लागि धनगढीको एक अस्पताल पुगेका उनमा डाक्टरले जण्डिस बिग्रिएको भनेर जानकारी गराएका थिए । धनगढीमा उपचार सफल हुन नसकेपछि काठमाडौँ आउनु अगाडि नेपालगञ्ज अस्पतालले क्यान्सरको आशंका गरेपनि क्यान्सर हो या होइन भन्ने पुष्टि गरेको छैन । उहाँ उपचार पाउने आसमा सहयोगी मनहरूसँग आर्थिक सहायताको अपेक्षा गरिरहनुभएको छ ।
उपचारमा यति नै खर्च लाग्छ भनेर यकिन नभएको उनको हेरबिचारमा तल्लीन रहेकी उहाँकी श्रीमतीले बताउनुभयो । देउडा गायनमा रुचि राख्ने भाटले २०५२ सालमा एउटा देउडाको गिति एल्बम समेत बजारमा ल्याएका थिए ।भाटलाई सहयोग गर्न चाहने सहयोगी मनहरूले ग्लोबल आईएमई बैंकमा रहेको दीर्घराज भाटको व्यक्तिगत खाता नं. j९०७०१००००७५९ ( (J 907010000759) मा आर्थिक सहयोग गर्न भाटले आग्रह गर्नुभएको छ ।