ताजा अपडेट
अछामकि क्यान्सर पिडितलाई यु एस आर्मिका एक जवानको सहयोग
अछामकी क्यान्सरपीडित एक किशोरीको उपचारको लागि यू.एस.आर्मि शाहिले १० हजार ५ सय रुपैयाँ आर्थिक सहयोग गरेका छन् । समाजिक कार्यमा सक्रिय भुपेन्द्र ब. बुढा र देबेन्द्र ब. बुढाले विभिन्न संघसंस्थ र व्यक्तीलाई सामाजिक सञ्जाल र अन्य माध्यमबाट उपचारका लागि सहयोगको अपिल गरेका थिए । अछाम ढकारी गाउँपालिका– ६ मोयकाँडा की १८ वर्षीया मनसरा बुढाका लागि सहयोगको अपिल गरिएको थियो । क्यान्सरपीडित मनसरा ढकारी ६ ढुंगाचाल्नास्थित अष्ट सिद्धि मा वि मा कक्षा ११ मा अध्यनरत छन् । उनी विगत एक वर्षदेखि बिरामी रहेको हुँदा गाउँघरमा अन्धविश्वासका कारण धामी झाँक्रीको पछि लाग्दा रोग जीर्ण हुँदै गएको थियो ।
अछाम जिल्ला अस्पतालमा जाँच गरेपछि उनलाई थप उपचारका लागि नेपालगञ्ज स्थित भेरी अस्पतालमा लगिएको थियो । त्यहाँ परीक्षण गर्दा पनि रोग पत्ता लाग्न नसकेपछि उनलाई भारतको लखनउ लगिएयो । त्यहाँ लामो परीक्षणपछि डाक्टरले मनसरालाई क्यान्सर भएको पुष्टि गरेका थिए । सामान्य अवस्थाका उनको परिवारले भारतमा उपचार गर्न नसक्ने भएपछि मनसरा समस्यामा परेकी थिइन् । मनसराको यस्तो अवस्था थाहा भएपछि केही सहयोगीहरुको पहलमा उनलाई भरतपुर चितवनस्थित विपी कोइराला मेमोरियल क्यान्सर अस्पताल लगिएको थियो । मनसराका बुवा ११ वर्षअघि नै बितिसकेकोले पनि उनको परिवारलाई रकम जुटाउन सक्ने अवस्था थिएन । त्यसपछि भुपेन्द्र ब. बुढा र देबेन्द्र ब. बुढाले सामाजिक सञ्जाल फेसबुक र छरछिमेकमा क्यान्सरपीडित ‘मनसरा बुढा बचाउ’ अभियान सञ्चालन गरी सहयोगको अपिल गरेका थिए ।
उपचारारत मनसराको लागि अछाम जिल्ला तुर्मांखाद गाउपालिका वडा नम्बर ०५ थोलु घरभै यू.एस. आर्मिमा कार्यरत युवा तथा समाजिक व्यक्ति पुस्प ब. शाहिले रु १० हजार ५ सय सहयोग गर्नु भएको छ उहाँ एक असल अनि इमानदार सुरक्षाकर्मी हुन । अझै देश तथा विदेशबाट सहयोग जुट्दै गरेको अभियान्ता भुपेन्द्र ब बुढाको भनाइ छ । विपी कोइराला क्यान्सर अस्पताल भरतपुरमा उपचार गराइरहेकी बुढाको बायाँ खुट्टामा क्यान्सर देखिएको छ । सामाजिक कार्यमा सक्रिय दिनेशकुमार वि.क.का अनुसार मनसराको उपचारमा अझै कति खर्च लाग्छ एकीन भएको छैन । यसको लागि नागरिकस्तरबाटै सहयोगको अपिलमा जुटेको वि.क.ले बताउनुभयो । आगामी दिनमा पनि अरु धेरै उपचार गर्नुपर्ने भएकाले सबैसित सहयोगको लागि अपिल गरिएको छ । पीडित मनसराको जीवन बचाउन सहयोग गर्नेले सम्पर्क न ९८६५६४१५१० र ९८६९५५३८०४ मा सम्पर्क गर्न अनुरोध गरिएको छ ।
प्रतिक्रिया