ताजा अपडेट
त्रिपुरा देवि युवा क्लब द्वारा रामारोशनका बाढी पीडितलाई आर्थिक सहयोग
त्रिपुरा देवि युवा क्लब चौरपाटी - ५ लुङ्ग्राले रामारोशन गाउँपालिकाका बाढी पहिरो पिडित परिवारका लागि २४ हजार रुपैयाँ आर्थिक सहयोग गरेको छ । मुजाबगर पुगेर गाउँपालिकाकी उपाध्यक्ष सरस्वति रावललाई रकम हस्तान्तरण गरेको क्लबका कोषाध्यक्ष महेश बहादुर खड्काले जानकारी दिनुभयो । घट्नाबाट पीडा भोगिरहेका पीडित परिवारलाई थोरै मात्रामा भएपनि राहत पुगोस भन्ने उद्देश्यले सहयोग गरेको कोषाध्यक्ष खड्काले बताउनुभयो । उहाँले विशुद्ध समाज सेवा गर्ने भावनाले स्थापित युवा क्लबले आगामी दिनमा पनि यस्तै रचनात्मक सहयोग गर्दै जाने बताउनुभयो।
विपत्तिको समयमा निस्वार्थ सहयोग गरेकोमा गाउँपालिकाका उपाध्यक्ष सरस्वति रावलले त्रिपुरा देवि युवा क्लबलाई धन्यवाद व्यक्त गर्नुभयो । सहयोगी मनलाई क्षमता अनुसार सहयोग गर्न पनि आग्रह उहाँले गर्नुभयो । युवा क्लबका कार्यसमिती सदस्य हरुले आफै रकम संकलन गरी उक्त रकम सहयोगा गरेको त्रिपुरा देवि युवा क्लबका कोषाध्यक्षा महेश बहादुर खड्काले बताउनु भयो मंगलबार गरिएको आर्थिक सहयोग कार्यक्रममा रामारोशन गाउँपालिका -५ का वडाअध्यक्ष लक्ष्मण परियार, रामारोशन गाउँपालिका का निमित्त प्रमुख प्रसाशकिय अधिकृत राम बहादुर भण्डारी र ने बि संघका पुष्प बिष्टलगायतको सहभागिता रहेको थियो ।
प्रतिक्रिया