Hamro Bulletin

मेरो पैसा हो म जेसुकै गरुँ , जेसुकैमा खर्च गरुँ  भन्ने मानसिकता त्यागौ । आज श्रीलंकामा करोडौं बैंक ब्यालेन्स छ श्रीलंकनहरूसँग  पैसा छ तर आजा उनीहरुले प्राथमिक आवश्यकता पुरा गर्न सकेका छैनन् । पेट खाली राख्नुपर्ने स्थिति छ । यसको एउटै कारण हो श्रीलंकासँग विदेशी मुद्रा संचित नहुनु । यस्तो अवस्था आउन नदिनको लागि निम्नअनुसारका कुरा व्यवहारमा लागू गरौं :

१)सबैभन्दा पहिले त विदेशमा भएका नेपाली नागरिकले पैसा पठाउँदा हुण्डीको कारोबार गर्दै नगरौं । हुण्डीबाट पैसा पठाउँदा तपाईंको घरपरिवारले त पैसा पाउलान् , तपाईंलाइउ पैसा पठाउँदा केही सस्तो पनि होला तर यसरी विदेशी मुद्रा हुण्डीबाट पठाउँदा विदेशी मुद्रा बैंकिङ प्रणालीमा नआउने हुँदा यसले विदेशी मुद्रा संचितमा कमि आउँछ ।

२) केही महिना विदेशी श्रिङ्गार , खान अनि कपडाको आयात  बन्द गरौं । स्वदेशी सामान प्रयोग गरौं ।

३) विदेशबाट डलर तिरेर आयात गरेका विलासिताका वस्तुहरू जस्तै : गाडी, सुन , विदेशी रक्सी किन्न बन्द गरौं ।

४) विदेश भ्रमण केही समयलाई बन्द गरौं र आन्तरिक पर्यटनलाई प्रवर्द्धन गरौं ।

५)  पेट्रोलियम पदार्थको खपत कम गर्न व्यक्तिगत गाडीको सट्टा  सार्वजनिक सवारीसाधन प्रयोग गरौं । आवश्यक काममा मात्र निजि सवारीसाधन प्रयोग गरौं ।

६) केही समययता स्मार्ट फोनको आयात पनि निकै बढेको छ जसले गर्दा हाम्रो संचित विदेशी मुद्रा बाहिर्न गयो । त्यसैले अबका केही महिना पुरानै स्मार्ट फोनको प्रयोग गरौं र नयाँ नकिनौ ।

७) विदेशी मुद्रा संचित घट्दै गएर हामी पनि गम्भीर आर्थिक संकटतर्फ जाँदै छौँ । यो स्थिति आउन नदिनन हामी आम देशभक्त नागरिकले पनि आ-आफ्नो क्षेत्रबाट  केही योगदान गर्नैपर्छ ।

माथी उल्लेखित अवस्था आउन नदिन समयमै सचेत हुनैपर्छ । कुनै बेला हामी हरेक नेपालीसँग  पैसा हुनेछ तर ,विदेशी मुद्रा संचित नभएका कारणले गर्दा श्रीलंकाको जस्तो अवस्था नआउला भन्न सकिन्न । त्यसैले समयमै ध्यान दिऔं ।