पशुपतिका भट्टलाई नहटाउने : पशुपति विकास कोष
पशुपतिमा कार्यरत भट्टहरूलाई हटाउने कुनै सोच नभएको पशुपति विकास कोषले जनाएको छ।बिहीबार कोषले विज्ञप्ति जारी गर्दै पशुपतिमा कार्यरत भट्टहरूलाई हटाउने सोच नभएको प्रष्ट पारेको हो।विभिन्न सञ्चार माध्यममा पशुपति विकास कोषले भट्टहरूलाई हटाउन लागेको भन्ने समाचारहरूको खण्डन गर्दै कोषले बिहीबार विज्ञप्ति जारी गरेको हो।'नेपाल सरकार, संस्कृति, पर्यटन तथा नागरिक उड्डयन मन्त्रालय र पशुपति क्षेत्र विकास कोष कसैको पनि यस खालको सोच नरहेको जानकारी गराउन चाहन्छौं,'विज्ञप्तिमा भनिएको छ।
