साँफेबगरको नीति तथा कार्यक्रमः समृद्धि, समावेशिता र सम्भावनाको नयाँ योजना सार्वजनिक
साँफेबगर, अछाम, १० असार २०८२ – सुदूरपश्चिम प्रदेशको अछाम जिल्लास्थित साँफेबगर नगरपालिकाले आर्थिक वर्ष २०८२/०८३ को नीति, कार्यक्रम, र बजेट सार्वजनिक गरेको छ । नगर प्रमुख राजेन्द्र बहादुर कुँवरको अध्यक्षतामा आयोजित १४औं नगरसभामा उपप्रमुख शिव बहादुर कुँवरले प्रस्तुत गरेको बजेटले समृद्ध, आत्मनिर्भर, र समावेशी नगरपालिका निर्माणको दृष्टिकोणलाई जोड दिएको छ । कार्यक्रममा निमित्त प्रमुख प्रशासकीय अधिकृत लक्ष्मी प्रसाद शर्मा, १४ वटै वडाका वडा अध्यक्ष, नगर कार्यपालिकाका सदस्यहरु, वडा सदस्यहरु लगाएत स्थानीय सरोकारवालाहरूको उल्लेखनीय सहभागिता रहेको थियो ।
